Smnewstl.com Eis Prezidente Repúblika, Taur Matan Ruak, segunda ne’e hetan asidente viasaun kiik ida iha área Atambua-Indonézia nian, wainhira ho ekipa iha dalan fila hikas mai Dili via terrestre hosi Oe-Kussi.

ADVERTISEMENT
SCROLL FILA BA NOTISIA


Tuir informasaun ne’ebe fo husi pagina offisial Gabinete eis Primeiro Ministro ne’ebe smnews asesu haktuir, asidente soke ne’e akontese kuaze tuku 10 liu oras Indonézia (WITA), iha área Suskoe, Atambua, involve hosi Karreta Militar Indonézia (TNI) nian ho marka Isuzu hosi Yonif Raider 744/SYB, soke iha parte liman loos besik motorista tur ba.

Lee Mós:
PNTL Rejista Kazu Insidente 30, Asidente 26 no Na'in 2 Lakon Vida

Iha akontesimentu ne’e, Eis Prezidente Taur Matan Ruak ho nia kondutor no muska iha kondisaun di’ak no la hetan kanek ruma, maibé Karreta mak nakbetok oituan besik parte kondutor tur ba.

Entretantu hafoin asidente ne’e, Responsável TNI hosi Yonif Raider 744, Polísia Tranzitu Atambua, Konsular-TL mai hamutuk rezolve iha Konsuladu Timor-Leste nian iha Atambua.

Lee Mós:
Xanana Gusmao Deklara Laiha Problema Pesoal ho Fidelis, Jerasaun Foun Tenki Aprende no Sai Ezemplu ba Estado Democratico

Iha prosesu rezolve ne’e, parte Responsavel TNI nian hosi Yonif Raider 744 husu deskulpa ba Eis Prezidente Taur Matan Ruak ba asidente ne’ebé la espera no prontu responsabiliza ba nia membru nia neglijénsia.

Iha sorin seluk, Eis Prezidente Repúblika Taur Matan Ruak fó perdaun ba motorista ne’e no husu ba parte Komandu TNI Yonif Raider atu taka kazu refere no husu mós atu lalika kastigu nia membru ne’e, maibé husu atu hadi’ak de’it mak karreta Inova Avansa ne’ebé mós hetan soke hamutuk iha asidente refere.

Lee Mós:
La Partisipa Aniversariu Veteranu Ba Dala VI Xanana: “Ha’u La Halo Buat Ida, Husu Ba Jeneral no Fundador Sira, Tanba Ha’u Ne’e Soeharto Kedua”

Hafoin rezolve tiha, Eis Prezidente Repúblika ho komitiva kontinua viajen mai Dili. (*/Smnews)

Lee nain: 4,107