Smnewstl.com (Antigua no Barbuda) – Ministru Negósius Estranjeirus no Kooperasaun (MNEK) Timor-Leste, Bendito dos Santos Freitas, hala’o enkontru ho Sekretáriu Estadu Negósius Estranjeirus Portugal, Nuno Sampaio, hodi diskute kona-ba kooperasaun bilateral entre ria-rua.

ADVERTISEMENT
SCROLL FILA BA NOTISIA


Enkontru ne’e hala’o, hafoin Ministru Bendito Freitas ho Sekretáriu Estadu Negósius Estranjeirus Portugal, Nuno Sampaio, partisipa iha Konferénsia Internasional kona-ba Estadu Illa Ki’ik Dezenvolvimentu ba dala-4, iha Antigua no Barbuda.

Lee Mós:
Burger King Timor-Leste Hetan Valor Aas Kona Ba Hahan Ne'ebe Seguru No Higiene Hafoin Hetan Audito Husi Ekipa Auditoria Burger King Internsional Husi Indonézia

Sorumutu ne’e, Ministru Bendito Freitas no Sekretáriu Estadu, Nuno Sampaio, aposta ba kooperasaun iha área kapasitasaun rekursu umanus ba diplomata sira, ne’ebé foka liu ba oseánu azuis ka ekonomia azul.

Lee Mós:
ME No Cepad Servisu Hamutuk Hodi Hadi’a Seitor Edukasaun

Timor-Leste ho Portugal negosia hela programa kooperasaun estratéjika foun, tan ne’e, enkontru refere hanesan kontinuasaun husi kontaktu intensa ne’ebé realiza ona antes. Durante ne’e, Timor-Leste benefisia ona husi projetu kooperasaun iha área seguransa, edukasaun, ensínu língua portugueza, inklui setór justisa, edukasaun, administrasaun estatal no dijitalizasaun no seluk tan.

Lee Mós:
Posibilidade, 14 Setembru Ekipa Tékniku Desloka Bá Diáspora Halo Resenseamentu Eleitorál

Entretantu, enkontru ne’e, Sekretáriu Estadu Negósius Estranjeirus Portugueza, Nuno Sampaio akompaña mós husi Prezidente Institutu Camões Portugal, Ana Paula Fernandes ho ekipa. (*/Smnews)

Lee nain: 1,301