Smnewstl.com – Prezidente Ramos-Horta destaka importánsia husi investimentu diretu estranjeiru (FDI) hodi alkansa objetivu dezenvolvimentu nasaun nian.
Durante diskursu iha Forum Mundiál ba Investimentu da-ualu iha Abu Dhabi, Xefe Estadu observa katak. Timor-Leste iha poténsia boot atu esplora, ho rezerva enerjia estratéjika, fundu soberanu ida-ne’ebé oras ne’e iha valór liu biliaun US$19, hanesan merkadu ne’ebé seidauk book ba sasan no servisus ida-ne’ebé aumenta ba bebeik no luan-tan ho debe ne’ebé mak iha de’it 13% husi PIB.
Prezidente Ramos-Horta mós subliña kompromisu nasaun nian atu sai nu’udar atór ativu iha ekonomia rejionál no esforsu Timor-Leste nian hodi tama iha Organizasaun Mundiál Komersiu no Asosiasaun Nasoins Sudeste Aziatiku (ASEAN).
Dadaun ne’e, tuir Xefe Estadu Timor-Leste esforsa hela atu diversifika ninia ekonomia, inklui liu husi investimentu iha Ekonomia Azul no projetu sira hanesan kampu Tasi-Mane Gas no prepara kuadru legal ne’ebe atu atrai investidór sira, inklui posibilidade atu asina Akordu Espesiál Investimentu ho investidór sira ne’ebé iha perspetiva.
Prezidente Ramos-Horta konklui ninia intervensaun hodi hatudu konfiansa katak diskusaun no parseria sira ne’ebé iha durante Forum Mundiál Investimentu sei loke dalan ba futuru ida-ne’ebé inkluzivu no sustentável liu ba ema hotu.
Xefe Estadu mos ko’alia kona-ba progresu nasaun nian iha setór dezenvolvimentu esensiál sira hanesan edukasaun, kuidadu saúde no infraestrutura no defende katakm edukasaun bázika iha Timor-Leste livre no obrigatóriu, no governu dezenvolve hela rede ida husi Institutu Politekniku no Universidade sira.
Atu dezenvolve liu tan seitor edukasaun, Xefe Estadu mos halo apelu kona-ba investimentu nasaun nian iha kuidadu saúde, inklui kriasaun rede ospitál no klínika sira no formasaun ba doutór no pesoál saúde sira. (Smnews)
Komentariu