Smnewstl.com – Prezidente Repúblika, José Ramos-Horta Kinta-Feira ne’e, exonera Vise Ministru Finansas, Helder Lopes husi ninia kna’ar.

Exonerasaun ne’e bazeia ba dekretu Prezidensiál, assinado husi Xefe Estadu iha loron 7 fulan Setembru, maibé la sita razaun exonera Vise Ministru Finansa.

Xefe Estadu argumenta katak, desizaun ne’e bazeia ba Konstuisaun RDTL, artigo 86, hafoin simu proposta husi Primeiru Ministru Kay Rala Xanana Gusmão.

Tuir informasaun, Helder Lopes nomeado iha tempu besik, sai Governadór Banku Sentrál Timor-Leste – BCTL, hodi troka Abraão de Vazconselhos.

Helder Lopes rasik posse husi Presidente Republika, José Ramos-Horta iha loron 1 Junho 2023 nudar Vice Ministro Finanças iha Governasaun Dasia Liderado husi Kay Rala Xanana Gusmão. (Smnews)

Lee nain: 10,641