Smnewstl.com 14-10-2021 (Dili) – Premiadu Nobel da Páz, José Manuel Ramos-Horta hatete, konfirmadu ona, Amu Papa Fransisco sei hala’o vizita mai Timor-Leste iha tinan oin 2022.
Eis Prezidente Repúblika, Horta dehan, mensajen furak hosi vizita ne’e informa direita hosi Papa Françisco bainhira hasoru malu iha Uma Boot Igreja Katolika Vatikana-Roma foin lalais ne’e.
“Iha nia (Papa) nia liafuan iha Espanyol hateten, ha’u iha simpatia boot bá Timor-Leste, ne’e ami papa la hatete, mais ha’u hatene amu Papa hakarak mai nafatin Timor, mai vizi lahatene loos bainhira, mais tinan 2022 ne’e nunsiatura mak depois sei informa ofisialmente bá governu,” dehan eis Prezidente Repúblika, José Ramos-Horta, iha aeroportu Comoro, Dili. Kinta ohin. Hafoin fila husi vizita bá Roma Vatikanu.
Horta dehan, nia hatene ona data no fulan ne’ebé mak Santu Padre Papa Françisco atu halo vizita mai Timor-Leste, maibé nia labele atu adianta uluk bá públiku, tanba kestaun protokolu, tanba ne’e, governu Timor-Leste ho nunsiatura Roma Vatikanu mak tenki kordena malu hodi halo preparasaun atu simu Amu Papa.
Horta hatutan, iha fulan Jullu liu bá, Amu Papa Françisco moras, maibé, dadauk ne’e kondisaun saúde rekoperadu no komesa animadu.
“Depois mak ita-nia autoridade sira hamutuk ho nunsiatura sira mak hatene loloos, em que dia, em que mês mak mai. 2022 ne’e konfirmadu, 2022 Amu Papa mai, ha’u pessoalmente, informalmente ha’u hatene fulan ida-ne’ebé Amu Papa atu mai, maibé ha’u labele ko’alia ida-ne’e, ne’e só kuandu nunsiatura ho governu mak iha komunikadu konjuntu karik bele informa fulan ne’ebé no loron ne’ebé, mais sei mai nia konfirma,” dehan nia.
Sorin seluk, Reprezentante Vatikanu iha Timor-Leste, Nunsiu Apostóliku, Monseñor Marco Suprizzi informa Papa Fransisco sei vizita Timor-Leste bainhira povu Timor-Leste partisipa sen porsentu (100%) vasinasaun.
Nia dehan, Amu Papa ninia vizitan mai Timor-Leste sei atrai ema rihun maka atu partisipa iha selebrasaun misa, tanba ne’e dala uniku atu prevene aan hosi ameasa no risku peste letál COVID-19, ema hotu tenki vasina.
“Amu papa hakarak fivizitaTimor-Leste, mais vizita ne’e sei la akontese se bainhira 80% povu Timor-Leste seidauk tuir vasina. Tanba Ami Papa mai, povu Timor-Leste rihun sei mai partisipa misa,” dehan Nuncio bainhira hala’o vizita ba saranu sira iha Manleuana Dili.(ant)
Komentariu