Smnewstl.com MANILA, 15 Novembru 2026-Prezidente Filipinas, Ferdinand R. Marcos Jr., husu ba líder sira husi nasaun membru ASEAN atu fó atensaun no konsiderasaun ba aspirasaun, ideia no kontribuisaun joven sira, hodi garante sira-nia partisipasaun ativa iha prosesu dezenvolvimentu no foti desizaun estratéjika ba futuru rejiaun.

Apelu ne’e hato’o durante enkontru entre Líder ASEAN no Reprezentante Joventude ASEAN (ASEAN Leaders Interface with Representatives of ASEAN Youth), iha Manila, Filipinas, Domingu (15/11).

ADVERTISEMENT
SCROLL FILA BA NOTISIA


Iha ninia diskursu, Marcos Jr. afirma katak joven sira la’ós de’it partisipante ne’ebé mai atu rona diskusaun, maibé tenke sai parte ativa iha prosesu determinasaun polítika no dezenvolvimentu ne’ebé sei orienta futuru ASEAN.

Lee Mós:
Ministério Edukasaun ho Enkaregada Negócio Embaixada Austrália Koalia Koperasaun Iha Seitor Edukasaun

Filipinas, nu’udar nasaun ne’ebé kaer Prezidénsia ASEAN ba tinan 2026, promove tema “Navigating Our Future Together” (Navega Hamutuk ba Futuru), ne’ebé reflete responsabilidade koletiva no partisipasaun ativa husi povu sira iha konstrusaun futuru rejiaun.

Marcos Jr. hateten katak, iha era mudansa teknolojia ne’ebé lalais, incerteza ekonomia no ameasa ba dame no seguransa, joven sira presiza liu duké liafuan motivasaun. Sira presiza instituisaun ne’ebé rona sira-nia lian, oportunidade ne’ebé asesível no ambiente seguru atu dezenvolve an no kontribui ba sosiedade.

Nia subliña katak joven sira iha rejiaun ASEAN tomak kontribui ona iha kriasaun negósiu, dezenvolvimentu teknolojia foun, prezervasaun kultura no servisu ba komunidade. Maski nune’e, joven sira kontinua hasoru dezafiu iha asesu ba edukasaun relevante, finansiamentu, empregu dignu no partisipasaun signifikativa.

Lee Mós:
SEKJER ONU Sei Partisipa Komemorasaun Tinan -25 Konsulta Popular

Prezidente Filipinas mós refere ba Deklarasaun Joventude (Youth Statement), ne’ebé subliña nesesidade atu hametin partisipasaun joven sira iha prosesu dezenvolvimentu, harii dame no seguransa, garante protesaun ba traballadór iha setór industriál foun, no promove transformasaun dijitál ne’ebé seguru, étiku no asesível ba ema hotu.

Tuir Marcos Jr., empoderamentu joven sira la bele depende de’it ba kapasidade individuál, maibé presiza apoiu husi polítika públika, rekursu adekuadu no parseria ne’ebé bele kria oportunidade hanesan ba joven hotu, inklui sira ne’ebé mai husi komunidade vulnerável.

Lee Mós:
La Asina Pagamentu Bá Ró Tranship II, PM Taur Ezonera Prezidente APORTIL

“Ha’u enkoraja reprezentante joven sira atu hato’o sira-nia hanoin ho konfiansa, no husu ba líder ASEAN sira atu rona ho laran luak, hodi hametin ligasaun entre aspirasaun joven sira-nian no desizaun polítika ne’ebé sei determina futuru ASEAN,” dehan Marcos Jr.

Enkontru ne’e nia objetivu atu asegura katak lian, ideia no kontribuisaun husi joven sira bele integra iha prosesu foti desizaun no mekanizmu servisu ASEAN, hodi harii rejiaun ne’ebé inkluzivu no fó oportunidade ba jerasaun foun.