Smnewstl.com DILI, 28 Outubru 2026-Prezidente Autoridade Munisipál Dili (PAM), Francisco dos Santos, alerta katak Rate Bekusi besik nakonu ona tanba espasu ba hakoi isin mate foun menus ona.
PAM Dili prevé katak kapasidade máximu Rate Bekusi sei atinje iha fulan Novembru 2026. Situasaun ne’e bele hamosu difikuldade ba família sira ne’ebé presiza fatin atu hakoi membru família ne’ebé foin mate.
“Rate Bekusi agora daudaun tama ona ba faze krítika, tanba kapasidade espasu disponivel ba hakoi isin mate besik to’o limite ona. Prevê katak kapasidade máximu semitériu ne’e sei atinje iha fulan Novembru 2026. Kondisaun ida-ne’e preokupa tebes, tanba bele difikulta disponibilidade fatin ba hakoi isin mate foun sira iha Munisípiu Dili,”Imforma PAM Dili Liu husi Konferénsia imprensa Kuarte ne’e iha Autoridade Munisípiu Dili
Atu responde ba limitasaun espasu iha Rate Bekusi, PAM Dili agora aselera preparasaun atu hahú funsionamentu Rate Metinaro.
Tuir Prezidente Autoridade Munisipál Dili latak kontinua servisu hamutuk ho entidade relevante sira atu aselera preparasaun administrativa, téknika no operasionál ba hahú funsionamentu Semitériu Metinaro, atu responde ba nesesidade atual no futuru komunidade nian.
PAM hatutan katak abertura Rate Metinaro sei ajuda aumenta disponibilidade espasu ba hakoi isin mate no evita difikuldade ne’ebé bele mosu tanba limitasaun espasu iha semitériu sira.
́
Aleinde preparasaun ba Rate Metinaro, PAM mós husu ba komunidade atu konsidera uza fali rate ka kampu família ne’ebé eziste ona, desdeke hetan autorizasaun no kumpre regra sira ne’ebé vigora.
“PAM bele autoriza, tuir pedidu família no regra ne’ebé vigora, atu uza fali rate ka kampu família ne’ebé eziste ona hodi hakoi membru família ne’ebé foin mate. Medida ida-ne’e aplika ba Semitériu Bekusi, Bidau Santa Ana no Cacaulidun, ho respeitu ba dignidade matebian sira no kumpre norma sanitária no dispozisaun legál sira ne’ebé vigora,” PAM Akresenta.
́
Prezidente Francisco dos Santos mós husu ba família sira ne’ebé hakarak transfere restu mortál husi rate ida ba rate seluk, inklui ba munisípiu seluk, atu husu uluk autorizasaun husi PAM.
Prezidente AMD subliña katak família sira tenke kumpre prosedimentu legál no sanitáriu ne’ebé vigora antes hala’o transferénsia.
Medida sira-ne’e importante atu jere limitasaun espasu iha rate públiku sira no garante katak família sira bele hetan solusaun apropriada ba nesesidade hakoi isin mate ho dignidade.
Komentariu