Smnewstl.com Dili 28 Outubro 2026-Frente Revolucionária do Timor-Leste Independente (FRETILIN) husu Governu Timor-Leste atu jere ho responsabilidade akordu sosa partisipasaun 33,44% husi kompanhia Woodside Energy iha projetu mina no gás Greater Sunrise, hodi garante katak rekursu ne’e lori benefísiu sustentável ba nasaun.

Tuir Komunikadu Imprensa neebé Smnews aseso haktuir katak, Sekretáriu-Jerál FRETILIN Mari Alkatiri, simu ho satisfasaun akordu entre Woodside Energy no Timor GAP, maibé nia alerta katak partisipasaun 100% iha projetu ne’e la signifika katak Timor-Leste bele foti desizaun hotu-hotu mesak kona-ba dezenvolvimentu Greater Sunrise.

Lee Mós:
PN Aprova Orsamentu Bá Gabinete PM ho Redusaun 125%
ADVERTISEMENT
SCROLL FILA BA NOTISIA


Tuir Eis Primeiru-Ministru

Mari Alkatiri hateten,maski Timor GAP sei kaer partisipasaun tomak iha projetu ne’e, Governu sei enfrenta responsabilidade boot, inklui nesesidade atu prepara rekursu finanseiru ba dezenvolvimentu kampu ne’e. Tanba ne’e, nia husu atu uza osan públiku ho prudénsia no planeamentu ne’ebé di’ak.

Mari Bin Amude Alkatiri mós subliña katak,dezenvolvimentu Greater Sunrise tenke konsidera interese nasionál, inklui planu atu lori gasodutu ba Timor-Leste, hodi aumenta oportunidade ekonómika no kria benefísiu ba povu.

Lee Mós:
Vasina Terseira Doze Prioridade Bá Ekipa Frente Ho Grupu Vulnerável

Alkatiri alerta katak,Timor-Leste depende maka’as ba Fundu Petrolíferu atu finansia dezenvolvimentu. Tanba rekursu finanseiru limitadu, nia konsidera importante tebes atu Governu asegura jestaun fiskál ne’ebé sustentável no evita projetu ne’e sai todan ba orsamentu Estadu.

FRETILIN mós lembra katak, tuir Tratadu Fronteira Marítima entre Timor-Leste no Austrália ne’ebé asina iha 2018, desizaun importante kona-ba dezenvolvimentu Greater Sunrise tenke tuir mekanizmu institusionál no prosesu aprovasaun ne’ebé estabelese iha tratadu.

Lee Mós:
MS Partisipa Iha Misa na Ema Moras Sira Iha Igreja Nossa Senhora Aitara Soibada

Partidu ne’e defende katak Governu tenke envolve entidade relevante sira iha planeamentu no jestaun projetu ne’e, hodi garante transparénsia, responsabilidade no benefísiu ba ekonomia nasionál.

FRETILIN konsidera Greater Sunrise nu’udar oportunidade importante ba diversifikasaun ekonómika Timor-Leste. Maibé, oportunidade ne’e presiza jestaun responsável, planeamentu sustentável no desizaun ne’ebé tau interese nasaun no povu iha prioridade.

Lee nain: 3