SMnewstl.com ||DILI, 10 Agostu 2026 — Diresaun Servisu Investigasaun Kriminal (DSIK), Polísia Nasionál Timor-Leste (PNTL), ezekuta mandadu detensaun ho NUC 0029/23.DIBCR, ne’ebé emite husi Tribunal Judisiál Primeira Instánsia Dili, hasoru kondenadu ho inisiál NCJA, idade 23.
Ezekusaun mandadu ne’e hala’o iha Aldeia Au-Hun, Suku Becora, Postu Administrativu Cristo Rei, Munisípiu Dili. NCJA detein hodi kumpri pena prizaun tinan 7 (hitu), tuir desizaun husi autoridade judisiál kompetente.
Kazu ne’e relasiona ho krime agravasaun seksual hasoru menor, ne’ebé akontese iha tinan 2023 no previstu iha Artigu 173 husi Kódigu Penál Timor-Leste.
Ezekusaun mandadu ne’e hatudu kompromisu DSIK-PNTL atu kumpri no ezekuta desizaun husi autoridade judisiál, liuhusi prosesu tuir lei no prosedimentu legal ne’ebé vigora.
PNTL afirma katak servisu investigasaun no ezekusaun mandadu sei kontinua hala’o ho baze ba lei, respeitu ba direitu umanu, integridade no responsabilidade.
Fontes:PNTL
Lee nain: 6
Lee Mós:
Loja Xineza Balun Komesa Manipula Lisensa Negósiu