Smnewstl.com DILI 07 Maio 2026-Ministru obras publikas alerta reorganizasaun empreza sira, hodi kontribui ativu iha prosesu dezenvolvimentu nasional no reorganizasaun ne’e tulun identifika fatór sira ne’ebe mak impede implementasaun iha terrenu.
“Emprezario nacional sira timor leste nia oan hotu nune’e bele halo esforsu makas servisu dalaruma hasoru problema makas problema sosial politika dezatre naturais. Bolu sira atu rona mos sira nia hanoin saida mak emprezario sira hasoru liu liu impedemento ba obra projetu sira nune’e buka solusaun hamutuk”, hateten Samuel Marçal ba jornalista sira hafoin remata enkotru”.
Tuir dadus husi governu, Kompanha balu Abandona projetu Sira, tanba sirkunstansia oi-oin hanesan probklema rai, falta kooperasaun husi komunidade no governu buka atu solusiona.
“ho preokupasaun hirak nebe mak kompanha sira hato’o, governo iha dever atu rona no fo solusaun hamutuk ho governo,governo mos iha problema tau hanoin sira ne’e hamutuk oinsa mak kompanha sira bele ajuda governo no governo ajuda kompanha sira. Mesak timoroan dei, governo tau laran metin ba sira tamba sira mak aselara ekonomia rai laran no halo investimento iha nasaun ida ne’e”Ministro Samuel Marçal hateten.
Esforsu ne’ebe mak governu atu aposta mak kapasitasaun ba empreza sira no mos konsolida empreza sira atu sai parseiru estratéjiku ba governu. Problema balun ne’ebe mak governu identifika mak empreza balun abandona projetu no la iha vontade atu kontinua, tanba ne’e governu sei foti medida rigor hasoru empreza sira.
“Dadaun Ne’e kompanha sira hasoru problema sosial liu-liu liga ba finanseiro no ekipamentos tamba relasiona ho funu iha medio oriente fo impaktu tebes ba kustu mina, dala ruma la’os flutuasaun presu mina, maibe falta stok, ko’alia mos kona-ba alkatraun ne’ebé presu sa’e dobru, la iha stok”, Subliña governante ne’e.
MOP promete aprezenta preokupasaun husi emprezáriu sira ba Primeiru Ministru Kay Rala Xanana Gusmão hodi buka solusaun. Relasiona ho problema social, governu sei koordena didiak atu fasilita implementasaun projetu infraestruturas iha baze. (/SMnews)
Komentariu