SMnewstl.com | Dili, 27 Abril 2026 — Polísia Nasionál Timor-Leste liu husi Diresaun Servisu Investigasaun Kriminál hala’o operasaun espesiál ida ne’ebé intensivu hahu hosi dader to’o kalan iha kapital Dili, ho rezultadu signifikativu: detensaun sidadaun estranjeiru nain lima ne’ebé suspeitu involve iha tranzaksaun droga tipu sabu-sabu.
Operasaun ne’e halo iha área estratéjiku sira hanesan Kampu Merdeka, Merkadu Lama no Bidau, ne’ebé durante ne’e konsidera hanesan pontu sensítivu ba movimentu ilegal.
Autoridade sira konsege asegura kareta ida ne’ebé uza atu fasilita atividade kriminál ne’e.
Iha momentu detensaun, polísia konsege prende evidénsia importante inklui substánsia suspeitu droga no kareta ne’ebé liga direta ho kazu ne’e.
Suspeitu sira agora asegura hela iha Komandu PNTL Kaikoli hodi halo prosesu identifikasaun no investigasaun kle’an liu.
Tuir fonte seguransa, grupu estranjeiru ne’e kompostu husi sidadaun ida husi Xina no sidadaun Indonézia nain ha’at, ne’ebé suspeita forma rede ida atu hala’o negosiu ilegal iha rai laran.
Autoridade reafirma katak operasaun hanesan ne’e sei kontinua atu kombate krime organizadu no proteje seguransa públiku, liu-liu hasoru ameasa droga ne’ebé bele estraga futuru juventude no estabilidade nasaun. (/SMnews)
Komentariu