smnewstl.com-Nova Iorke, 22 Setembru 2023P-rezidente Repúblika, José Ramos-Horta, partisipa iha Simeira Líder Aliansa Estadu Ki’ik Insulár (AOSIS) iha Sesta-Feira, 22 Setembru 2023. Simeira ne’e hala’o hamutuk ho Sesaun 78 Assembleia Jerál Nasoins Unidas (UNGA), ne’ebé hala’o husi 17 to’o 24 Setembru.

ADVERTISEMENT
SCROLL FILA BA NOTISIA


Aliansa Estadu Ki’ik Insulár (AOSIS) mak organizasaun intergovernamental ne’ebé forma iha 1990. Reprezenta estadu ki’ik insulár no nasaun kostéiru ne’ebé ki’ik liu no vulnerável ba mudansa klimátika no nia impaktu ba oseanu. Maske kontribui menus husi 1% ba emisaun gas estufa ne’ebé afeita globál, estadu sira ne’e mak afetadu liu husi mudansa klimátika.

Lee Mós:
Burger King Timor-Leste Hetan Valor Aas Kona Ba Hahan Ne'ebe Seguru No Higiene Hafoin Hetan Audito Husi Ekipa Auditoria Burger King Internsional Husi Indonézia

AOSIS importante tebes iha formasaun polítika klimátika internasional, inklui rezultadu COP 23 no Akordu Paris. Prioridade prinsipál mak atu asegura katak dalan emisaun globál alinha ho reduksaun temperatura to’o menus husi 1.5oC. AOSIS mós foka ba dezenvolvimentu sustentável no konservasaun oseanu, rekoñese signifikadu área sira ne’e ba Estadu Ki’ik Insulár ne’ebé Dezenvolve (SIDS).

Lee Mós:
Empreza Shipping Building Japaun Sei Hari Estaleiru Iha Manatuto

AOSIS sei kontinua buka kooperasaun internasionál no parseiru atu mantein nia kapasidade no harii kapasidade foun atu hadi’a dezafiu foun iha área xave sira ne’e. Aliansa kompromete atu ajuda SIDS no estadu vulnerável seluk hodi hasa’e sira nia liafuan no halo impaktu ambientál, sosio-ekonómiku, no geopolítiku ne’ebé kle’ur liu.(smnews)

Lee nain: 1,539