Smnewstl.com | Austrália 06 Abril 2026 – Trabalhador Timoroan ida ho naran Joel, ne’ebé mai husi Munisípiu Viqueque, relata lakon iha tasi iha área Emerald Beach Coffs Harbour New South Wales, Australia.
hafoin ba kail ikan.
Tuir informasaun ne’ebe Smnews asesu husi pagina offisial Facebook Miliana dos Santos haktuir, insidente ne’e akontese bainhira vítima ba kail ikan iha tasi, maibé la fila ba fatin normal.
Autoridade lokal sira, liuliu Queensland Police Service, agora dadaun hala’o hela operasaun buka no salvamentu durante oras tolu ona, maibé to’o agora seidauk hetan rezultadu.
Fontes hato’o katak ekipa patrolia kontinua buka iha área suspeitu sira, ho apoiu ekipamentu salvamentu no monitorizasaun tasi.
Situasaun sei konsidera grave, no autoridade sira husu komunidade atu fó atensaun ba informasaun ne’ebé bele ajuda prosesu buka.
Detalho kona-ba kronolojia kompletu, kondisaun tempu no fatin lolos sei aktualiza tuir informasaun foun ne’ebé sei sai.
Komunidade Timoroan iha Austrália no família vítima hein hela atualizasaun husi autoridade relevante.
SMnewstimor sei kontinua akompanha no atualiza informasaun ba públiku.
Komentariu