Smnewstl.com | DILI, 4 Abril 2026 – Empresa Esperança Timor Oan (ETO) informa katak komunikasaun ho fornecedor no refinaria sira kontinua lao di’ak atu asegura disponibilidade combustível iha rai-laran.

Ba Smnews intervista via telefone, ETO mos husu ba públiku atu uza combustível tuir nesesidade, hodi evita utilizasaun ne’ebé la presiza.

Lee Mós:
Dezastre Naturál iha Manehaat: Estrada Nasionál Kotu Total, Komunidade Husu Intervensaun Urjente
ADVERTISEMENT
SCROLL FILA BA NOTISIA


ETO hateten katak atualmente reserva combustível iha Timor-Leste sei iha nivel normal, no carga foun sei to’o fali iha loron 6 Abril 2026 laiha problema ruma.

Nudar operador principal iha setor combustível, ETO afirma katak sei halo esforsu hotu atu garante fornesimentu ba populasaun tomak, atu la iha falta combustível iha merkadu nasional.

Lee Mós:
Projeitu Bee Moos ho Kustu US$34 Mil Iha Coloco la Funsiona, Komunidade Husu Klarifikasaun

Tuir observasaun ne’ebé ami halo iha Parque Combustível Hera nian, ne’ebé opera husi ETO, iha sábado dader ne’e nota katak iha movimentu ne’ebé aas husi retalhista sira.

Movimentu ne’e inklui mós cliente sira husi PITSA ne’ebé mai foti combustível atu distribui ba sira nia bomba mina iha rai-laran.

Lee Mós:
15 janeiru 2025 ,MACLN hahú anúnsia Lista Kombatente 92.591 Ne’e be Rejistadu iha 2009 Iha Territóriu Nasionál

Situasaun ne’e hatudu katak atividade distribuisaun combustível kontinua lao normal, maski iha aumentu procura iha merkadu iha momentu ne’e.(/SMnews)

 

 

Lee nain: 512