Smnewstl.com—Prezidente Repúblika, J. Ramos-Horta, hato’o sentidu kondolénsia ba família maktoban avó Maria Simão, ne’ebé hakototu iis iha orseik loraik, oras 17:30, ho idade-76.
Iha Tinan 2023, durante Prezidente Ramos-Horta nia mandatu, nia halo mos vizita ba familia refere hodi haree direta ba sira nia situasaun real. Iha momentu ne’e, prezidente hatudu nia kompromisu humanitáriu no orienta Ekipa Prezidénsia Apoiu Sosiál hodi konstrui haris-fatin ba sira, fó asisténsia bázika kada fulan no rekruta ema ida hodi tau matan hela ba sira nain rua.
Madre Josefina Bakhita soares de araujo, FMDM ne’ebé durante ne’e tau matan mos ba família refere hato’o mos nia sentidu profundu, hateten iha mensajen:“Avó nia mate iha orseik loraik oras 17:30, iis bo’ot apaña nia tomak. No nia laiha vontade atu han no hemu, maski nia esforsu hela. Nune’e viziñu sira mak akompaña direta to’o nia iis kotu.” Hateten madre Josefina Bakhita.
Avó Maria Simão, ne’ebé ninia kaben avó-mane ho naran Simão Maria, destiñu antes ona iha fulan Marsu 2025, sira iha oan nain rua maibé destiñu hotu ona. Prezidente Ramos-Horta, liu husi Servisu Sosiedade Sivíl Prezidénsia Repúblika, kontinua fó susténsia moral no humanitáriu ba familia refere, hanesan parte husi Prezidente Ramos-Horta nia solidariedade ba povu babain iha sosiedade Timor-Leste .(*/Smnews)
Beta feature
Beta feature
Beta feature
Komentariu