Smnewstl.com | CEBU, FILIPINA | 07 Maiu 2026 – Primeiru-Ministru Kay Rala Xanana Gusmão simu konvite direta hosi Primeiru-Ministru Vietname, Le Minh Hung, atu hala’o vizita ofisiál ba Vietname iha tempu besik, durante reuniaun bilaterál iha Shangri-La Mactan, Cebu.

Iha enkontru ne’e, PM Xanana hateten katak nia sente onra boot ho konvite ne’ebé simboliza relasaun ne’ebé metin no amizade entre Timor-Leste no Vietname.

Lee Mós:
CAC Deskobre Problema bo’ot iha projeito uma Digno Tunubibi: Obra Abandonadu, Sistema Frájil no risku bo’ot ba korupsa
ADVERTISEMENT
SCROLL FILA BA NOTISIA


Xanana mós afirma katak nia prontu atu partisipa iha Fórum Futuru ASEAN ba dala-tolu nu’udár oradór prinsipál hodi fó kontribuisaun ba prioridade rejionál sira.

Vizita ne’e konsidera nu’udár pasu importante ida iha prosesu Timor-Leste atu sai membru plenu ASEAN ba dala-11.

Lee Mós:
Taur Matan Ruak Hakarak Alkansa Objetivu 4 Iha OJE 2022 ho Montante Billiaun $ 1,675

PM Xanana afirma katak ASEAN la’ós de’it organizasaun rejionál, maibé plataforma estratéjiku ida atu fortalece instituisaun sira, dezenvolve ekonomia no garante dame no estabilidade iha rejiaun.

Timor-Leste mós apresia kooperasaun Vietname nian iha área edukasaun, bolsa estudu, formasaun rekursu umanu no asisténsia téknika ne’ebé fó benefísiu boot ba povu Timoroan.

Lee Mós:
PR Horta Re-lembra Hikas Relasaun Bilateral Entre Timor-Leste Ho Xína

Durante reuniaun ne’e, PM Xanana mós lori naran Timor-Leste hodi kongratula PM Le Minh Hung ba nia eleisaun nu’udár Primeiru-Ministru Vietname nian.

Relasaun Timor-Leste no Vietname agora tama ona iha kapítulu foun ida ne’ebé bele lori benefísiu boot ba futuru ASEAN no povu rua ne’e! (/SMnews)

Lee nain: 5