SMNews.com, Itália 08 Maio 2026 – Secretáriu Estadu Arte no Kultura (SEAK), Jorge Soares Cristóvão, akompaña husi Embaxadora Timor-Leste ba Bruxelas, Lurdes Bessa, partisipa iha abertura ofisiál Paviliaun Portugal iha eventu prestijiadu internasionál Biennale Arte no Kultura 2026, iha, Itália.
Abertura Paviliaun Portugal lidera diretamente husi Ministra da Cultura, Juventude e Desportu Portugal, Margarida Balseiro Lopes, ho prezensa reprezentante governu, diplomata no artista sira husi nasaun barak.
Partisipasaun delegasaun Timor-Leste nian iha eventu ne’e konsidera hanesan pasu importante atu hametin relasaun istóriku no kooperasaun kulturál entre Timor-Leste no Portugal, liuliu iha área arte, patrimóniu no promosaun identidade kulturál iha palcu internasionál.
Iha oportunidade ne’e, SEAK Jorge Soares Cristóvão hatete katak Biennale sai plataforma importante ida atu promove kultura no obra artístika Timor-Leste nian ba komunidade internasionál, no hamosu oportunidade ba kolaborasaun ho nasaun sira seluk.
Aleinde ne’e, prezensa Timor-Leste iha abertura Paviliaun Portugal mos reflete amizade no ligasaun kulturál ne’ebé kleur ona entre nasaun rua ne’e, liu husi língua, edukasaun no arte.
Biennale Arte no Kultura 2026 reuni artista, kurador no reprezentante kulturál husi mundu tomak, no sai hanesan eventu internasionál boot ida atu promove diversidade kulturál no kriatividade global.(SMnews/)
Komentariu