Smnewstl.com||Viqueque,04 Maio 2026-MAPPF Marcos MAMETA da Cruz hala’o vizita ba perfurasaun bee ne’ebé inicia husi Veteru husi Kombatente Libertasaun Nasionál António Alves hala’o perfurasaun bee hodi kanaliza ba natar iha Wedare-Badak suku luca Postu administrativo Viqueque Vila Munisipiu Viqueque
Iha entrevista Veteru António Alves hateten husi natar sira neebé mak bee la to tamba nee mak nia inisia hodi halo perfurasaun bee hodi kanaliza ba nater hektares hamutu atus ida resin.
“Ha’u hare’e ba komunidade nia natar sira nee hotu bee la to nee mak hau ajuda bor tan bee ida nee atu haruka sira atu halo tanki ida iha nee tamba tos nain sira orçamento la to tamba nee mak Ha’u oferese deit bee nee liu husi paralon hodi kanaliza ba natar sira iha Wedare-Badak nian”Veteranu nee Explika
Ho presensa MAPPF Veteranu António hato’o preokupasaun oinsa mak husi parte MAPPF bele apoiu hodi halo irigasaun atu nunee bele kanaliza bee ba natar sira neebe mak bee la to
Ministro Marcos MAMETA da Crus konfirma ho vizita nee hodi haree direta no hato’o apresiasaun ba Veteru ninia kontribuisaun ba processu dezenvolvimentu nasaun nian
“Ohin ita rona preokupasaun kona ba bee la to tamba nee mak nia halo ida nee, ne’ebe ita agradese ba veteru ninia kontribuisaun,los ida nee hanesan preokupasaun ida neebe depois ita sei hare’e ita sei haruka tékniku mai hare’e no identifika atu nunee bele kanaliza bee ba natar sira neebe mak bee la to”.Governante nee explika
Alende nee Governante nee sublina opsaun seluk bele halo tan perfurasaun bee iha fatain nee maibe presiza haree quantities bee.
“Obsaun seluk mak ohin veteranu dehan depois ita koko tan iha parte neebe mak ita bele halo tan hanesan nee maibe ida nee daluruma bee kuantidade la dun bot,maibe inisiativa diak neebe mak inisia husi veteranu António neebe mak halo ona perfurasaun bee hodi kanaliza bee ba natar neebe mak hektares hamutuk atus ida resin 100 tamba nee presiza bee bot”.Ministro agrikultura nee subliña
Sorin seluk Presidente Conselho Combatetes Libertasaun Nasionál (CCLN) Viqueque Adriano da Camara informa tan kona ba apoiu veteranu ninian laos agora desde tempu difisil veteranu sempre iha esperitu ida atu depende ita nia povu nia moris iha situasaun difisil nia laran,agora ita ukun aan ita hakarak povu nia moris diak iha desenvolvimentu nia laran
“kona ba apoiu veteranu ninian laos agora desde tempu difisil veteranu sempre iha esperitu ida atu depende ita nia povu nia moris iha situasaun difisil nia laran,agora ita ukun aan ita hakarak povu nia moris diak iha desenvolvimentu nia laran,Maibe presiza servisu hamutuk ho ekipa nee diak liu tamba veteranu ninia moris nee organizado sempre servisuhamutuk” Presidente CCLN nee explika
Iha suku luca perfurasaun bee iha ona fatin tolu no iha perfurasaun bee iha fatin rua mak komunidade sira uza ba tos no ida neebe mak dadaun nee inisia husi veteru nian nee bee uza ba natar maibe bee nia kapasidade mak sei ki’ik
Enkuantu governante nee hatete inisiativa ida-ne’e importante tebes atu asegura disponibilidade bee ba agrikultura,ba oin, sei haruka ekipa tekniku husi MAPPF atu halo avaliasaun no dezenu tékniku, atu nune’e bele kanaliza bee ba natar sira ne’ebé seidauk hetan asesu ba bee. (/SMnews)
Komentariu