Smnewstl.com-Konsellu Ministru aprova ona, proposta lei ne’ebé aprova alterasaun datoluk, Lei númeru 3/2014, ne’ebé kria Rejiaun Administrativa Espesiál Oe-Kusi Ambenu (RAEOA) no Estabelese Zona Espesiál Ekonomia sosiál Merkadu Oe-Kusi Ambenu no Ataúro.
Iha Reuniaun ne’ebé Prezide husi Vise Primeiru Ministru,Mariano Asanami Sabino iha Segunda-Feira, aprova alterasaun lei ba RAEOA no ZESSM, ho objetivu, dudu prosesu dezenvolvimentu nasionál, estabelese kuadru jurídiku adekuadu ba Zona Espesiál Ekonomia Sosiál no Merkadu iha territóriu tomak, promove bein-estár populasaun nian no solidariedade nasionál.
Exekutivu propoin atu halakon referénsia hotu iha Zona Espesiál Ekonomia Sosiál Merkadu Oe-Kusi Ambenu no Ataúro, hodi permite kriasaun kuadru legál foun, ba Zona espesiál Ekonomia Sosiál Merkadu iha Timor-Leste, ne’ebé bele aplika iha territóriu oi-oin, la limita de’it ba Oecusse no Illa Ataúru.
Ho proposta lejislasaun n’ebé aprovadu iha Konsellu Ministru, poder tutela kona-ba RAEOA no Prezidente RAEOA sei hili husi Konsellu Ministru, bazeia ba proposta husi Primeiru Ministru nian no mandatu hosi Prezidente ka Autoridade sei sesa waihira tama ona iha vigor. Sei iha Konsellu Konsultivu ne’ebé hanesan órgaun konsultivu Prezidente Autoridade nian, ne’ebé kompostu husi reprezentane kada munisípiu.
Kona-ba jestaun reseita no investimentu seluk presiza autorizasaun husi governu, no mos sei defini leis komplementares kona-ba taxa impostu, aprovizionamentu, fiskalizasaun finanseira no responsabilidade iha iha Banku Sentrál, maibé kona-ba Orsamentu nafatin integra iha Orsamentu Jerál Estadu. (smnews)
Komentariu