Smnewstl.com – 21 Outubru 2024(JAKARTA-INDONÉZIA) – Primeiru-Ministru (PM), Kay Rala Xanana Gusmão hasoru malu ho Prezidente Repúblika Indónezia, Prabowo Subianto, iha Palásiu Prezidensiál Jakarta, Indónezia, segunda (21/10/2024).
Enkontru entre líder na’in-rua nu’udar sorumutu bá dahuluk no ofisiál hafoin Prezidente Repúblika Indonézia, Prabowo Subianto simu pose nu’udar Xefe Estadu, iha Parlamentu Nasionál, Senayan, Jakarta, domingu (20/10/2024).
Durante enkontru líder rua ne’e deskute kooperasaun bilaterál entre país rua, inklui asuntu fronteira terrestre.
Alende ne’e, PM Xanana felisita Prabowo Subianto ne’ebé susesu iha eleisaun no parabeniza bá knaar foun nu’udar Xefe Estadu.
Akompaña Xefe Governu, Xanana Gusmão komposta husi Ministru Negósiu Estranjeiru no Kooperasaun (MNEK), Bendito dos Santos Freitas, Sekretáriu Estadu Komunikasaun Sosiál, Expedito Dias Ximenes no Embaixadór Timor-Leste iha Indonézia, Roberto Soares. (*/Smnews)
Komentariu