Smnewstl.com – Primeiru-Ministru (PM), Kay Rala Xanana Gusmão husu Konsul Jerál Timor-Leste (TL) dezignadu bá Belfast-Irlanda Norte, Abreu Ximenes Coreia atu reprezenta didi’ak Estadu ne’e no buka hatene situasaun reál hodi fó asisténsia bá Timoroan sira.

Primeiru-Ministru husu ne’e durante enkontru despedida ho Abreu Ximenes Coreia iha Palásiu Governu, molok dezloka bá hala’o misaun iha Belfast-Irlanda Norte, tersa (01/10/2024).

 

Konsul Jerál ne’e planeia atu hasoru-malu ho timoroan sira iha Belfast no sei kontaktu regularmente ho Embaixadór Timor-Leste iha Reinu Unidu, João Paulo hodi organiza enkontru atu buka hatene situasaun reál bazeia bá orientasaun Xefe Governu.

Primeiru-Ministru mós hameno bá Konsúl Jerál atu enkoraza timoroan sira servisu didi’ak tuir mensazen Sua Santidade Papa Francisco bainhira hala’o vizita mai Timor iha fulan kotuk. (*/Smnews)

Lee nain: 698