Smnewstl. com – Ministériu Edukasaun liu husi Diretora Jerál Administrasaun no Finansas Cecília Maria Belo de Assis akompaña husi Minstra Edukasaun Dulce de Jesus Soares no Sekretáriu Estadu ESGETV Domingos Lopes Lemos hodi asina memorandu ho Komité Orientadór 25 (CO25) hodi fó apoiu orsamentu ho forma subvensaun públika atu bele kontinua servisu peskiza ba istória rezisténsia nian, iha Salaun VIP Ministériu Edukasaun, Vila-Verde.

Hafoin remata asina MOU, Prezidente Komité Orientadór 25 Constâncio Pinto hateten, asina memorandu ne’e espesiál tebes, tanba prezensa husi Ministra Edukasaun no Sekretáriu Estadu ESGETV ne’e hanesan mensajen importante ne’ebé nakonu ho esperansa no kompromisu hodi fó apoiu ba Komité Orientadór 25 hodi kompleta servisu ne’ebé iha.

“Agradese ba Ministra Edukasaun no Sekretáriu Estadu ESGETV ba apoiu ne’ebé fó ba Komité Orientadór 25, fiar katak ba oin nafatin servisu hamutuk ho di’ak liután iha futuru”, dehan Prezidente CO25.(SMNews)

Lee nain: 3,036