Actualidade Smnewstimor, 19-07-2022
Smnewstl.com (Jakarta) – Delegesaun Presidente Republika, José Ramos-Horta ho total ema rua nulu resin kompostu husi, Xefe Casa Sivil, Militar Ministro nain ha’at, Deputado, seitor privado inklui jornalista iha viagem Estado hasoru malu ho Presidente Republika Indonésia, Joko Widodo ladun lao ho diak, iha ne’ebe ema impotante rua maka labele partisipa tamba depozitivu SARS-Covid 2, Rapid Molecular Assay.
Tuir regra Estado Indonesia, sidadaun hirak ne’ebe atu asesu ba iha Palácio Presidencial (Istana Negara) inklui Presidente Republika José Ramos-Horta rasik hodi hasoru malu ho Presidente Republika Indonésia, Joko Widodo tenki submete ba teste Rápid Test.
Nune’e delegasaun hotu ne’ebe to’o iha Hotel Indonésia Kepinsky tuku 22.05 Oras Indonésia, hafoin deskansa no enkontru minutu balun submete kedas ba iha teste PCR.
Tuir informasaun ne’ebe Smnewstimor asesu dader ne’e husi parte protokolu, husi delegasaun, iha nain rua maka detektadu positivu nune’e labele acompanha Presidente Republika, José Ramos-Horta hasoru malu ho Presidente Joko Widodo iha Istana Negara Bogor.
Delegasaun rua ne’e mak hanesan Ministro Turismo Komersio Indústria, José Lucas do Carmo da Silva no Xefe Casa Militar, Renilide Guterres Corte Real.
Tuir agenda, Ministro Turismo Komersio Indústria sei selebra akordo ho Ministro Turismo Indonésisa ho sasin husi Xefe Estado nain rua.
Maske labele partisipa selebrasaun akordo kontinua lao, reprezenta husi Ministra dos Negócios Estrangeiro e Koperasaun Adalzija Magno.
Ba resultado husi teste PCR ne’e parte jornalista seidauk hetan komfirmasaun husi Presidencial li-liu Xefe Casa Sivil. (Rio)
Komentariu