Smnewstl.com 23-08-2021 (Dili) — Sala Situasaun Sentru Integradu Jestaun Krize (SIJK) deklara, liu husi dadus epidemiolójika hatudu, iha munisípiu 6 ona maka tama iha transmisaun Covid-19.
Koordenadór pilár 7 SIJK, Nilton do Carmo esplika, liu husi dadus epidemiolójika ne’e mós releva katak, vírus labele ona atu buka tuir, tanba nia transmisaun iha ona fatin-fatin.
“Husi dadus epidemiolójika ne’ebé mak ita iha, husi munisípiu 6 mak husi sala situasaun deklara ona hanesan transmisaun komunitária, katak, orijen vírus ita labele ona buka tuir, nia transmisaun bele iha fatin-fatin, iha Dili fulan hira liu bá ita deklara hanesan transmisaun komunitária, dadus ne’ebé mak relata ikus horseik husi sala situasaun katak, iha munisípiu 5 ne’ebé mak ita deklara ona,” dehan Koordenadór Pilár 7 SIJK, Nilton do Carmo, hafoin halo aprezentasaun iha Parlamentu Nasionál (PN) Tersa ohin.
Situaauan kada semana ne’ebé fó sai husi sala situasaun SIJK, iha númeru ne’ebé deteta liu husi konfirmasaun teste laboratóriu nasionál sa’e makas iha fulan Maiu no Abríl.
Maibé númeru hirak ne’e la permanente, tanba sei tun sa’e hela iha semana-rua ikus ne’e iha situasaun Covid-19 nian.
“Husi dadus kumulativu ne’ebé to’o ohin loron ita rejista to’o horseik hamutuk 4003, husi ne’ebá ita haree katak, ida-ne’ebé mak efetivu hamutuk 3 mill itál, husi 3 mill itál pontu ne’ebé ita hakarak foka iha ne’e mak ita haree katak, iha distribuisaun de kazu,” tenik nia.
Nune’e Nilton afirma, agora kazu transmisaun komunitária la’ós ona iha munisípiu Dili de’it, maibé hahú distribui ona bá munisípiu sira hotu.(ant)
Komentariu