.com – Lautém, 10 Maio 2026 – Konfrontu ida ne’ebé akontese iha festa Koremetan ida iha Aldeia Poros, Suku Mehara, Postu Administrativu Tutuala, Munisípiu Lautém, iha kalan, loron 09 Maio 2026, rezulta ema ida lakon vida no autoridade sira asegura ona suspeitu balun inklui oknum membru F-FDTL ida.
Tuir informasaun ofisial ne’ebé Smnews asesu husi fontes sira komfirmadu katak, akontesimentu refere hahú bainhira festa koremetan ida ne’ebé organiza husi família ida iha Aldeia Poros hetan vizita husi komunidade balun husi Asalaino ne’ebé mai mos atu asiste festa barlake ida iha fatin refere.
Iha festa ne’e mos diskumfia involve oknum membru F-FDTL ida ho naran inisial GDS, ho deviza soldadu husi Komponente Terestre.
Tuir relatóriu preliminár, iha tuku 02:00 OTL madrugada, situasaun sai tensa no evolui ba konfrontu entre parte rua, ne’ebé ikus mai rezulta Vicencio Fernandes lakon vida.
Polísia asegura ona suspeitu sira inklui oknum pesoál F-FDTL refere hodi submete ba prosesu investigasaun tuir lei ne’ebé vigora iha Timor-Leste.
Autoridade sira kontinua halo investigasaun atu determina motivu no kronolojia kompleta kona-ba incidenti ne’e.(SMnewstl/)
Komentariu