Smnewstl.com Dili, 23 Abríl 2026 – Primeiru-Ministru, Kay Rala Xanana Gusmão, tun rasik ba terrenu hodi observa diretamente progresu konstrusaun Sentru Konvensaun Internasionál (SKI) iha Portu Dili, projetu estratéjiku ida ne’ebé Governu prepara atu lansa iha loron 20 Maiu 2026.

Lee Mós:
La Selu Arendamentu ba Rai Estado, PM Taur Orienta MJ Hakotu Kontratu

Iha vizita ne’e, Xefe Governu halo diskusaun direta ho lideransa Autoridade Portuáriu Timor-Leste (APORTIL) no instituisaun relevante sira kona-bá planu reorganizasaun área Portu Dili, inklui mudansa eskritóriu ba fatin foun atu fasilita dezenvolvimentu projetu.

ADVERTISEMENT
SCROLL FILA BA NOTISIA


PM Xanana mós aproveita haree kondisaun edifísiu antigu Alfándega iha Colmera, ne’ebé konsidera presiza hetan rehabilitasaun lalais atu bele reutiliza husi instituisaun Estadu.

Lee Mós:
PR Lú Olo Husu Governu Investe Makas Iha Setór Produtivu Rai Laran

La’ós deit ne’e, Primeiru-Ministru kontinua halo observasaun ba progresu rehabilitasaun edifísiu Casa Europa, projetu ida ne’ebé tuir kontratu tenke remata iha fulan Juñu tinan 2026.

Vizita ne’e akompaña husi Ministru Planeamentu no Investimentu Estratéjiku (MPIE), Gastão Francisco de Sousa, Prezidente Konsellu APORTIL José de Oliveira Leong, no Diretór Ezekutivu Ajénsia Dezenvolvimentu Nasionál (ADN), Januário Guterres.(/SMnews)

Lee Mós:
Governo Sei la Nonok ba Kompaña Abandona Projeitu, Sama Atensaun ba Kompañia Segerau

 

Lee nain: 28