Server Fiel Kreda Katolika Tinan 19 : Padre Anibal Hakotu Nia Jornada Mundo Tanba Sofre Moras

Padre Anibal, Ne’ebé Durante Ne’e Serve Iha Estasaun Misionáriu Sagradu Coração De Jesus Fahenehan, Paróquia Fatuberliu,Munisipiu Manufahe, Lakon Vida Hafoin Hala’o Tratamentu Saúde.

Durante Tinan Barak Nia Misaun Pastoral, Padre Anibal Kontribui Boot Ba Dezenvolvimentu Espiritual Komunidade Sarani Sira, Liu-Liu Iha Munisípiu Manufahi. Nia Dedikasaun No Servisu Fiel Sai Hanesan Ezemplu Ba Barak.

Tuir Komunikadu Ofisial Husi Arquidiocese Metropolitana De Dili, Haktuir Katak “Maromak Bolu Hikas Ona Reverendo Saserdote Anibal Da Costa Miranda” Iha Oras Refere, No Husu Komunidade Sarani Sira Atu Hamutuk Iha Orasaun Ba Nia Deskansa Eterna.

Atualmente,Maktoban Pe. Anibal Da Costa Miranda Sei Hatoba Iha Paróquia Same, No Tuir Programa Sei Translada Ba Sé Katedral Dili Molok Halot Iha Cemitério Dos Padres De Maloa Iha Loron 08 Abril 2026.

Partida Ida Ne’e Husik Hela Luto No Tristeza Ba Igreja No Komunidade Tomak, Maibé Nia Memória Sei Hela Nafatin Iha Sarani sira.

Programa Fúnebre:

Segunda-Feira, 06 Abril 2026:

Mate Isin Sei Hatoba Iha Paróquia Same

Tuku 19:00: Missa Ho Família Iha Paróquia Same, Preside Husi Reverendo Amu Graciano Santos Barros, Vigáriu Jerál Arquidiocese Dili

Tersa-Feira, 07 Abril 2026:

08:00: Visita Ikus Iha Nia Uma Iha Kami Laran, Same

09:00: Translada Mate Isin Husi Same Ba Dili

14:00 (Ou Liu): Tama Iha Sé Katedral Dili, Hatoba No Kontinua Ho Programa Misa Husi Paróquia No Grupo Sira

Kuarta-Feira, 08 Abril 2026:

09:00: Missa Fúnebre Iha Sé Katedral Dili, Preside Husi Dom Virgílio Cardeal Do Carmo Da Silva

Hafoin Missa: Halot Mate Isin Iha Cemitério Dos Padres De Maloa, Ailok-Laran, Dili.

, .(/SMnews)