SMnewstl.com DÍLI| 04 Abril 2026 – Selesaun Asosiasaun Futsal Timor-Leste (AFTL) ofisialmente desloka ona ba Thailand atu partisipa iha kompetisaun ASEAN Futsal Championship 2026 iha Thailand.

Delegasaun Timor-Leste kompostu husi ema nain 20, inklui jogadór nain 16 no ofisiál nain 6. Ekipa ne’e prepara ho intensa atu reprezenta Timor-Leste iha palcu internasionál no hatudu kapasidade futsal nasionál.

Lee Mós:
Taur Matan Ruak Hakarak Alkansa Objetivu 4 Iha OJE 2022 ho Montante Billiaun $ 1,675
ADVERTISEMENT
SCROLL FILA BA NOTISIA


Durante kompetisaun, Timor-Leste sei hasoru ekipa forte sira hanesan Thailand, Vietnam no Myanmar, ne’ebé iha esperiénsia no nivel kompetitivu aas iha desportu futsal iha rejiaun ASEAN.

Responsável sira husi AFTL hateten katak partisipasaun ida ne’e importante tebes atu hasa’e esperiénsia jogadór sira, liu-liu atu aprende husi ekipas forte no prepara an ba kompetisaun sira tuir mai. Liu husi turnamentu ne’e, espera mos bele aumenta qualidade no dezenvolvimentu futsal iha rai laran.

Lee Mós:
TL no Comores Formalmente Tama Ona OMK Iha Abertura Konferénsia Ministerial

Aleinde ne’e, jogadór sira mos hetan motivasaun atu joga ho espiritu nasionál no fó orgullu ba povu Timor-Leste.

Kompetisaun iha Thailand sei sai oportunidade boot ba Selesaun AFTL atu prova an
iha nivel internasionál, aprende husi adversáriu sira no kontinua dezenvolve futsal Timor-Leste ba futuru ne’ebé di’ak liu.(/SMnews)

Lee Mós:
PR Ramos -Horta Partisipa Selebrasaun Misa Agradesimento Ba Tinan 100 Prezensa Saleziana Don Bosco Iha Timor- Leste

 

Lee nain: 185