PR Kompromete Konstrui Uma Foun ba Jovem Defisiénsia ida iha Oé-Cusse.

Smnewstl.com—Prezidente Repúblika José Ramos-Horta hanesan líder no aman ida ne’ebé Lucia Falo, ho idade 20, husi aldeia Makela, suku Taiboko, postu Pante Makasar, Oé-Cusse, moris iha kondisaun susar tanba defisiensia mental no falta apoiu sosiál. Durante tinan barak, Lucia hela de’it iha baraka ki’ik taka ho tali tahan, ne’ebé la garante seguransa, liu-liu bainhira tempu udan ka anin boot.

Família dehan kondisaun real ne’e aumenta depois nia inan mate no nia aman Domingos Falo, mos defisiensia fíziku, la iha kapasidade atu sustenta. Nune’e família husu ba MSSI no estadu atu fó atenksaun urgente.

“Ami taa tali-tahan halo uma oan ida ba nia, maibé di’ak liu, se bele estadu halo uma foun seguru ba nia,” dehan Francisca Punef.

Parte relevante sira hanesan Institutu Nasional Seguransa Sosial (INSS) no Ministériu Solidariedade Sosiál no Inkluzaun (MSSI) seidauk fornese subsidiu defisiensia ka sasan ajuda ida ba Lucia. Dokumentu identifikasaun mos seidauk kompletu, tanba prosesu administrativu lakon.

Iha sexta-feira, Unidade Servisu Apoiu Sosial (SSAS) husi Prezidénsia Repúblika, lidera husi asesor Quintiliano Moniz Carvalho, vizita Lucia no nia aman. Nia promete sei koordena ho autoridade lokal atu halo uma mahon ida ba família no trata dokumentu legal defisiensia Lucia Falo nian.

“Imi haree kondisaun ne’e. Uma sei halo, maibé la’os de’it ba nia mesak, tanba aban bainrua nia presiza ambiente seguru atu moris hanesan ema hotu,” dehan Quintiliano.

Durante vizita, ekipa Prezidénsia mos fahe nesesidade bazika hanesan mina, fos, manu-tolun no osan. (*/Smnews)