Xanana Gusmao Klarifika ba Publiku Razaun Prezensa Iha Tribunal, “Hau Mak Sala Tamba Intrega Relatorio Ba Ju’s”

Smnewstl.com Media Online-Lider Nacional, Kay Rala Xanana Gusmao Segunda-Feira ne’e marka prezensa iha Tribunal Distrital Dili hodi asiste julgamentu ba Padre Herminio da Silva Goncalves ligado ho relatorio Komisaun Justisa e Paz ba kazu Topu Honis, ne’ebe involve eis Padre Dasbach.

Maske julgamentu refere deside adia fali ba loron 24 Julho tinan ne’e, tamba Juiz ne’ebe atende kazu iha hela Oecusse hodi halao julgamentu ba eis Padre Dasbach ho vitima hodi rona deklarasaun, maibe Eis Lider Rezistensia nafatin klarifika ba publiku kona ba ninia prezensa iha Tribunal.

“Ha’u mak sala tanba haruka ba relatorio ne’e ba Bárbara, husi Ju’s. Possibilidade boot Bárbara mak fó sai ba públiku.

Kona ba kazu ne’e rasik, Xanana Gusmao justifika nia pozisaun hodi dehan katak Procurador no ONGs sira komete krime tanba Viola Labarik-feto sira Topu Honis, hodi obriga sira ba submete ba Visum ne’ebé sira halo.

ONGs ne’ebe mensio tuir Xanana, Fokupers, JU’s, Alfela no Pradet no mós Komisaun ba Direitus Labarik ka Feto nian.

Xanana hatutan, nia kuinese Amu Richard Dasbach bainhira populasaun namkari tomak ba ai-laran no milisias sira sunu hotu uma no sasán iha Kutete.

“Foin daudauk, fulan hirak liu ba, sira atu ba bolu fali labarik sira, labarik sira halai hotu ba ai-laran, ne’e tanba trauma psikolójika, tanba violasaun nebé Pradet, JUS, Fokupers, Komisaun ba Direitos Labarik nian ho professionais Saúde iha Oe-Kuse halo ba Labarik-feto sira iha tinan kotuk,”nia sublinha

Eis Presidente Republika ne’e konsidera hahalok visum ba labrik sira mesak illegal.
Tamna ne’e, nia halo apelu ba Tribunal atu tetu no sukat didiak, hodi bele Deklara Nulidade ba provas sira ne’ebé Prokuradoria no ONGs sira arranja, ho forma ilegal, imoral no kriminoza.

Liu tan, Xanana dehan, nia parte iha ligasaun ho Topu Honis tamba nudar nain mos ba Fundasaun, nune’e iha responsabilidade moral buka ajuda haruka ai-han ho buat seluk tan wainhira infrenta problema.

Lider Nacional ne’e rekuinese, buat saida mak halo laos tamba interese, maibe hakarak hatur justisa ho lolos.

“Ha’u harí Fundação XG iha kedas Junho 2003. Ha’u la iha interesse espesial ida ba Topu Honis, maibé, komu ha’u iha Fundasaun ida, Fundasaun ne’e iha obrigasaun atu tau matan, tanba Topu Honis Uma Mahon ida no presiza hela ajuda”

Enkuanto prosesu ba kazu ne’e rasik prezide husi Juiz Titular Evangelino Belo, e Ministério Público reprezentanta Matias Soares. Amo Herminio da Silva rasik hetan asistensia husi Elda Baptista, ho Madre Tomasia de Deus. (Rio)