Xanana Gusmão Deklara, Preparadu ba Eleisaun Presidensiál, Laiha Razaun Atu Dada

Smnewstl 29-10-2021 (Manatuto) – Partidu Kongressu Nasionál Rekonstrusaun Timor (CNRT) lideradu, Kay Rala Xanana Gusmão deklara, preparadu ona atu hasoru festa demokrasia iha eleisaun presidensiál tinan oin 2022.

“Ita husu boot bá ita-nia rai lulik atu labele dada tan, iha rai barak halo eleisoens iha Covid-19 nia laran, mais Covid-19 loloos, la’ós Covid-19 bosok ten bee bosok hela de’it ita, maibé buat ne’e ita la hatene loloos sé mak iha sé mak laiha,” dehan Xanana Gusmao ba sidadaun sira iha Suco Cribas, Posto Manatuto Vila, Municipio Manatuto, ne’ebe voluntariamente deklara fo apoio tomak ba Xanana hodi hasoru festa demokrasia eleisaun Presidensial no Parlamentar

Líder masimu partidu CNRT ne’e dezafia, sidadaun sira hotu atu prepara a’an partisipa eleisaun presidensial iha fulan Marsu tinan oin 2022, hafoin hakat bá eleisaun parlamentár iha tinan 2023.

“Eleisoins ba Presidente tenki iha Marsu 2022. Hotu tia eleisoens bá Prezidente (Repúblika) depois mak ita haree fali eleisoens bá parlamentu. Ne’e duni maluk sira, ita hotu prepara-aan, ha’u la obriga ema ida atu tama CNRT ga, atu mai fó apoiu hotu mai, ha’u la obriga, ita iha demokrasia nia laran, ida-idak mak haree hanoin no hili,”afirma Xanana.

Eis lider rezisténsia rekoñese, maske seidauk masimu rezolve povu nia moris, maibé durante ukun halo mós buat lubuk ida tuir vizaun hanesan ne’ebé luta ba ukun rasik a’an.

“Ha’u husu de’it karik ha’u labele defende katak, husi 2007 mai 2015-2016 ne’e, ami halo buat barak, la’e, ami la halo ida, la halo liu, halo mak aat de’it,”.

“Husi 2017 mai agora, governu sira foun mesak matenek de’it halo ita haree dezenvolvimentu ne’e la’o, mais povu mak terus hela de’it, ne’ebé ha’u nia hakoak no domin tomak bá imi, maibé to’o iha ne’ebá ida-idak iha nia kakutak atu deside, laiha ema obriga ema ida, iha demokrasia nia laran

“Atu bá deside, imi mak hanoin tok bá haree tok bá dehan, husi 2007 mai to’o 2016 halo buat ruma ga la halo ga, 2017 to’o 2021 halo buat barak oinsá buat mesak di’ak de’it to’o iha ne’ebé hodi ida-idak bele deside hodi ita bele la’o bá oin,”hato’o Xanana

Antes hakotu, Xanana sublinha, maske la gaba a’an, maibé partidu CNRT ne’ebé nia lidera iha vizaun no difirente ho partidu sira seluk.

“Buat ida ha’u bele dehan, partidu sira seluk ha’u haree tiha ona laiha vizaun, partidu ne’ebé ha’u reprezenta iha vizaun atu bá oin ne’e halo saida.? Ita labele halo buat hotu-hotu, maibe halo ho vizaun, iha iha ne’ebe no atu ba ne’ebe,”tenik Xanana.(rio)