Barulho Iha Resinto Escola 4 Setembro Rezulta Uma ho Kareta Rahun, Komunidade ho Estudante ‘Lulun’ Malu

Smnewstl.com 27-11-2021 (Dili) – Estudante iha Ecola 4 de Setembro Unamet Balide Dili iha Sexta-feira, 26-11-2021 no Sabado ohin lansa atake liu husi tuda no harahun uma komunidade nian iha Bairo eis CNRT ka Infordepe Edukasaun Balide Dili.

Akontesimentu ne’e akontese Sexta-feira horseik bainhira estudante ida husi Escola Nobel da Paz, ne’ebe komfirmadu hela iha Bairo Eis CNRT Balide fila husi Escola ho Microlet hetan baku husi estudante 4 de Setemebro Unamet iha kedas resinto escola nian.

Tuir kronologia, estudante refere foin fila husi escola ho Mocrolet 01 hafoin remata izame. To’o iha resito Escola 4 Setembro, estudante sira hare hetan nia farda escola Nobel da Paz, entaun dada tun hodi baku.

Situasaun ne’e halo familia no komunidade, ne’ebe estudante refere hela ba haka’at ba escola hodi husu nune’e hamosu problema.

Estudante sira husi 4 Setembro Unamet kompostu mane ho feto sai tomak hodi lansa tuda ba komunidade sira iha Bairo eis CNRT rezulta kios, uma no kareta Microlet 01 ida rahun inklui inan feton ida sofre kanek iha ai’in kauza husi botir rahun ne’ebe nakfera.

Estudante feto ida ho naran bolu Joana husi Escola 4 Setembro Unamet konta katak, problema ne’e akontese entre estudante ho estudante. Iha ne’ebe, estudante husi Nobel da paz nian diskumfia baku uluk estudante husi Escola 4 Setembro Unamet. “Horseik sira husi Escola Nobel ne’e mak baku uluk kolega mane sira. Sira Estudante Nobel ne’e la hare ba problema, maibe hare deit tau farda escolar 4 Setmebro satan iha dalan hanesan Balide baku ona, entaun kala estudante Nobel ne’e ho Microlet liu mai maka hodi mosu problema,”nia haktuir.

Husi sorin seluk, komunidade bairo iha CNRT kondena maka’as hahalok husi estudante 4 Setembro Unamet ne’ebe la respeita orden publiku hodi baku arbiru labarik sira ne’ebe la hatene problema inklui tuda no harahun uma no sasan. “Hare mak ida ne’ebe baku imi nia ema ne’e ba husu malu, laos tamba deit nia tau farda Nobel no fila husi Escola, baku arbiru deit ne’e kan ladiak,”kestiona komunidade sira.

Inan feton ida ne’ebe uma hetan estragus haktuir, iha hela uma la hatene problema, derepenti deit fatuk sai husi Escola 4 Setembro Unamet iha Sexta-feira horseik meudia no ohin dadersan razada deit inklui aslta tama to’o iha Bairo laran. Nia hatutan, gracas de deus iha netik oan mane no labarik sira iha hodi halo auto defesa nune’e la tama hodi baku rahun sasan.

Polisia Nacional Timor Leste ne’ebe to’o kedas iha tereinu halo atuasaun nune’e iha Sexta-feira horseik konsege asegura kedas ema nain tolu kompostu estudante husi Nobel ne’ebe hetan baku iha resinto escolar 4 Setembro oin ho estudante balun.

Enkuanto iha fali akontesimentu ohin dadersan Polisia mos asegura tan estudante nain tolu no dadaun ne’e kazu refere iha hela Polisia Kaikoli Dili hein kontinuasaun prosesu. Komunidade sira iha Bairo eis CNRT kontinua hakbesik ba escolar nune’e buka dalan solusiona hodi la implika ba orden publiku.

Situasaun rasik dadaun ne’e lao normal maske fatuk nakonu iha Estrada. Enkuanto ba informasaun ne’e rasik, parte Polisia ho Escola seidauk aprezenta pozisaun ruma. (Rio)