Smnewstl.com|| DILI, 08 Abril 2026 – Atmosfera muzika lokal sei nakfera Kinta-feira, (09/04/2026) loraik tuku 18.00 OTL, bainhira artista lokal kuinesidu Paulino ‘Kontrola’ sei DROP tan nia hit foun ho títulu “APERTA”, obra ida ne’ebé desde agora halo fáns sira laran monu ba esperansa no kuriozidade boot!
Informasaun ne’e fó sai liu husi komunikasaun direta ba fáns sira iha nia pagina offisial Facebook, ho mensajen ne’ebé forte no provocativu:
“Imi jira mak bin dukur ona karik, haruka toba iha kabas, husik kanotak mak provoka deit.”
Lançamentu ida ne’e ba Paulino ho naran kumpletu Paulino do Carmo konsidera hanesan momentu importante iha nia karreira ho esperansa katak “APERTA” sei lori energia foun no estilo ne’ebé diferente ba indústria muzika Timor-Leste.
Musiká ne’e mai ho karakter “rage tone instrumental” ne’ebé forte, moderno, nakonu ho energia, estilo ida ne’ebé agora daudaun popular iha juventude.
Importante liu, “APERTA” tuir Paulino, marka hanesan projetu daruak husi nia obra musika anterior ho títulu “Kontrola”.
Kompara ho muzika uluk, ba Smnews via telefone, Paulino informa, lançamentu foun ne’e hatudu maturidade artistika ne’ebé aas no atrativa.
Ho kombinasaun entre batida forte no mensagem ne’ebé provocativu, “APERTA”, Paulino promete atu domina playlist lokal no sai hanesan referénsia foun ba amante muzika urbana iha Timor-Leste.
Ba fans sira hotu, Keta haluha! Aban loraik tuku 18:00, “APERTA” sei sai ofisialmente iha kanal offisial YouTube Paulino nian! (/SMnews)
Komentariu