Yamada : Xanana Lider Ne’ebe Diak Iha Timor-Leste

Smnewstl.com 24-11-2021 (Japaun)-Komandante Eim Xefe das Falintil, Kay Rala Xanana Gusmao atual Pessoa Eminente g7+, Kuarta-feira ne’e hato’o palestra publiku iha Universidade Waseda Japaun.

Universidade Waseda konvida Kay Rala Gusmão, Pessoa Eminente g7+ hodi hato palestra publiko kona ba “papel nasaun g7+ nian hodi Hari Pas” ba estudante 70 nebe estuda kona ba Koperasaun Internasional no Hari Pas (International Cooperation and Peacebuilding).

Professor Yamada Mitsuru husi Departementu Relasaun Internasional iha Fakuldade Siensia Sosiais husi Universidade Waseda wainhira halo abertura ba palestra ne’e, introdus Kay Rala Xanana Gusmão, nudar akademista ida iha Universidade Waseda tamba universidade oferese ona Honorary Doctorate iha Direitu (Law) iha tinan 2016.

Professor Yamada mos vizita Xanana wainhira sei iha Prizaun iha Indonesia no nia konsidera nudar lider ida nebe diak iha Timor-Lere.

Enkuanto iha intervensaun Kay Rala Xanana Gusmão koalia kona ba estabelesimentu husi g7+ nudar organizasaun intergovernamental, halibur hamutuk nasaun 20 nebe afeita husi konflitu atu fahe esperiensia no aprende ba malu kona ba paz no rekonsiliasaun liu husi programa koperasaun entre Frajil-ba-frajil (F2F).

g7+ mos defende makas ba Objetivu Dezenvolvimentu Sustentavel (ODS)16: kona ba Paz, Justisa no Haforsa Institusaun nudar fundasaun ida atu atinji ODS sira seluk.

Xanana Gusmao mos reforsa kona ba importansia husi paz hodi hateten katak “se la iha paz, se la iha dezenvolvimentu” nudar moto husi g7+. (*/rio)