Xanana Gusmao Sai Ezemplar ba Rezolusaun Konflitu, Hamorin TL Iha Mundu

Smnewstl.com 23-11-2021 (Japaun) – Komandante Eim Xefe das Falintil atual Pessoa Eminente g7+, Tersa-feira, (24-11-2021) simu tan Doutoramentu Honoris Causa husi Universidade Kyoto, Japaun.

Universidade Kyoto offerese Honorary Doctorate iha Arte ba Kay Rala Xanana Gusmão, Pessoa Eminente g7+ ligado ba ninian kontribuisaun atu hetan paz nebe sustentável iha Timor-Leste no dedikasaun ba kultura paz iha Mundu inklui iha nasaun g7+ sira.

Yasushi Akashi, Presidente husi Sentru Konferensia Internasional Kyoto no Vice Presidente husi Asosiasaun Nacoes Unidas Japaun, iha ninian intervensaun kongratula Xanana Gusmão ba involvementu iha independensia Timor-Leste nian, promove amizade ho Indonesia, resolve disputa ho Australia pasifikamente no estabelese g7+.

Nia hateten katak, iha lisaun barak nebe maka bele aprende husi Xanana nia esperiensia liu-liu kona ba fo perdaun.

Xanana Gusmao rasik iha nia intervensaun, agradese Universidade Kyoto ba prêmio akademiko nebe fo ba nia. Eis Presidente Republika no Primeiro Ministro ne’e “Paz no Kultura nudar Arte ida nebe hola parte iha servisu ba paz”, tenki foka ba esperiensia no desafios nebe hasoru husi nasaun hanesan Afghanistan no Myanmar.

Nia apelu ba organizasaun internasional atu muda sira ninia maneira hodi fo asistensia ba nasaun sira nebe afeita husi konflitu, atu bele responde liu ba kauza principais husi problema no promove propriedade (ownership) no inkluzaun.

Xanana Gusmao rasik simu Doutoramentu Honoris Causa ba Dala 15 ona desde kedas tinan 1999. Enkuanto Universidade sira ne’ebe atribui ona Doutoramentu Honoris Causa ba Xanana ne’ebe Smnews asesu mak hanesan:

1999: Doutoramento Honoris Causa, Universidade Lusíada, Lisboa, Portugal

2000: Doutoramento Honoris Causa, Universidade do Porto, Portugal

2003: Doutoramento Honoris Causa, Universidade de Victoria, Australia

2004: Doutoramento Honoris Causa, Universidade Nacional Suncheon, Coreia do Sul

2006: Doutoramento Honoris Causa, Universidade de Takushoku, Japão

2011: Doutoramento Honoris Causa, Universidade de Coimbra, Portugal

2012: Doutoramento Honoris Causa, Universidade Charles Darwin, Austrália

2014: Doutoramento Honoris Causa, ISCSP, Universidade Técnica de Lisboa, Portugal

2014: Doutoramento Honoris Causa, Universidade Malaysia Sabah, Malásia

2015: Doutoramento Honoris Causa, Universidade de Melbourne, Austrália

2016: Doutoramento Honoris Causa, Universidade Waseda, Japão

2017: Doutoramento Honoris Causa, Universidade do Funchal, Portugal