Xanana Gusmao Deklara Laiha Problema Pesoal ho Fidelis, Jerasaun Foun Tenki Aprende no Sai Ezemplu ba Estado Democratico

Smnewstl.com 16-12-2021 (Dili) – Dadaun ne’e sai konsumu publiku ligado ho video husi Ministro Prezidensial Konselho Ministro, Fidelis Leite Magalhaes  ne’ebe kumprimenta Kay Rala Xanana Gusmao ho kapasidade hanesan Lider Nacional, maibe rezuka atu tuku liman tamba kestaun balun nune’e hamosu espekulasaun oi-oin husi sosiedade.

Ministro Prezidensial Konselho Ministro, Fidelis Leite Magalhaes kumprimenta Kay Rala Xanana Gusmao iha Aeroporto Internacional Nicolao Lobato Comoro simu Sinzas Saudosu Max Stahl. Imagen Xanana Gusmao rekuza tuku liman.

Hata’an ba espekulasaun ne’e, Kuadros importante balun husi Partido CNRT ne’ebe besik ho Kay Rala Xanana Gusmao no lakoi atu publika identidade husu atu labele interpreta deit husi aspeitu negativu, maibe mos hare ba mensgem pozitivu.

Tuir kuadros ne’e esplika, Kay Rala Xanana Gusmao ne’ebe rekuza tuku liman ho Fidelis Magalhaes hanesan kestaun pesoal. Maibe mensajen loloos ne’ebe Xanana Gusmao hakarak transmite ba publiku maka laiha problema pesoal ho Fidelis Magalhaes.

Nia rekuinese, iha problema diferensa prinsipiu politika ho Fidelis nudar Politiku ne’ebe la-defende valores Estadu Direitu Democratiku. Xanana Gusmao laiha problema pesoal ho Fidelis, maibe hanesan jestu hodi hatudo katak, jerasaun foun tenki aprende no sai ezempleu ba Estado Democratico.

Husi sorin seluk, Eis Komandante Brigada Negra, Flarinando Coimbra reforsa, Jestura husi Kay Rala Xanana Gusmao hanesan mensagem ida ba Oitavo Governo no Presidente Republika hodi repoin katak, iha Buat balun mak Sala husi formação VIII governo depois de Presidente Republika Anúncio resultado Meja redonda.

Eis Komandante Brigada Negra, Flarinado Coimbra

“Segundo Mensagem mak Maun Xanana Hakarak hato iha público katak divergências Nebe akontese depois de Oitavo Governo hetan viabiliza Husi FRETILIN laos Culpa “JERASAUN FOUN ” tamba né Maun Xanana explicitamente lá Fo Liman ba Fidelis (The Battle or mistake are not yours ) salah husi formação oitavo governo laos jerasaun foun nian,”dehan Flarinando.

Nia rekuinese, aspetu pozitvu balun ne’ebe presiza atu foti maka exemplo diak husi Fidelis ne’ebe modesto no humilde inicia atu comprimenta Xanana Gusmao, por ética representa ona Jerasaun foun ne’ebe nafatin Konsidera Líder sira.

“Maun Xanana hato hela mensagem atu adeptos, apoiante no hirak nebe sente oprimida unifica força hotu hodi compete iha eleições PR 2022 no Eleições Parlamentar 2023 ( The final Battle) Maun Xanana nune’e retoma no repoin fali Ukun hodi halo reposições ba Meja Parlamento no Governo,”nia espera.

Aliende ne’e tuir informasaun husi pagina official Media Center CNRT iha publiku komfirma, Xanana Gusmao rekuza tuku liman ligado ho asaun Asaltu Poder sobu rahun Estadu ne’ebe harii liuhosi fakar ran no mate.

Lider Nacional, Kay Rala Xanana Gusmao ho Premiado Nobel da Paz, Jose Ramos Horta Iha Aeroporto Internacional, Nicolao Lobato simu Sinzas Saudosu Max Sthal, (15-12-2021). Foto Husi Comite 12 Novembro

Tuir Media Center CNRT, Xanana Gusmao hanesan Lider ne’ebe lidera funu naruk hamutuk ho povu harii RDTL lakohi fo fatin ba Afundador (Hamoutdor) Estadu liu-hosi Asalta Meja Parlamentu Nasional iha loron 19 Maiu 2020.

Media Center CNRT mos anunsia katak, Xanana rejeita no kondena jerasaun foun ne’ebe tuir loloos sai protetor ba Estadu RDTL maibe sai fali Afundador Estadu tanba de’it ganansia ka kanten ba poder.

Xanana deside lafo oin ba Governante sira husi Governu ne’ebe moris liuhosi dalan Sobu Konstituisaun RDTL no halo Asaltu ba Orgaun Estadu (PN). Tamba ne’e, mantein hodi aplika mos karik Primeiro Ministro Taur Matan Ruak mosu iha Aeroportu Prezidente Nicolau Lobato.

Jestu Kay Rala Xanana Gusmao konsidera, la’os pesoal maibe mensajen politika ba povu tomak, liu-liu ba Jerasaun foun sira atu respeita Estado ne’ebe harií ho ruin no ran. Iha publikasaun Media Center ne’e mos husu atu Jerasaun foun tenke iha prinsipiu defende lialoos, defende Estadu Direitu Demokratiku.

Jerasaun foun tenke hatene aproveita no apresia konfiansa ne’ebe jerasaun tuan sira aposta (tula) ba hodi tane-as no asegura sustentabilidade Estadu ba tinan naruk. La’os tane-as interese pesoal hodi sobu rahun Estadu ne’ebe harii liuhosi prosesu naruk ne’ebe nakonu ho terus, susar, no mate.

Tuir publikasaun Media Center mos sita, Jerasaun foun nia kumprimentus ba lider nasional sira laiha folin bainhira Jerasaun foun nia politika maka sobu rahun Estadu, Estadu ne’ebe sai hanesan mahon ba povu tomak.

Akontesimentu ba Fidelis tuir publikasaun Media Center konsidera hanesan lisaun ba politiku sira hotu, inklui ba jerasaun foinsa’e sira atu halo reflesaun. Reflesaun atu halo ezame da konsiensia kona-ba efeitu husi asaun no politika husi jerasaun foun ba sustentabilidade RDTL hanesan Estadu Direitu Demokratiku, ohin no ba futuru. (Rio)