Smnewstl.com 26-11-2021 (Dili) – Esperensia Timor Leste hodi rekonsilia hikas ho Indonesia hafoin manan funu no Australia iha luta ba defende ba soberania tasi liu husi Lideransa Nacional, Kay Rala Xanana Gusmao sai hanesan esprensia ba mundo.
Sexta-feira ne’e, lider partido historiku 8 ho reprezentante sociedade sivil iha Japaun konvida hikas Komandante Eim Xefe das Falintil, Kay Rala Xanana Gusmao hodi fahe ba sira esperensia kona ba oinsa, Timor Leste bele manan funu ho Indonesia inklui define soberania tasi ho Australia.
Embaixador Timor Leste iha Japaun, Ilidio Ximenes komfirma, Komisaun Parlamentu DIET mak konvida Kay Rala Xanana Gusmao hodi fahe esperiensia ba sira kona ba “Halo nusa Timor-Leste atinji Rekonsiliasaun no iha Relasaun diak ho Indonesia no Australia depois independensia”.
Iha biban ne’e, Sei-Shiro Eto, Presidente husi Komisaun Parlamentar ba DIET iha Japan, agradese Xanana Gusmao bele fahe ba sira esperiensia Timor Leste nian kona ba halo nusa maka konsege estabelese relasaun diak no amizade ho nasaun viznho bo’ot rua hanesan Indonesia ho Australia.
Ba esperensia ne’e, iha intervensaun Ilidio komfirma, Japaun dispunivel hakarak atu aprende tamba konsiderado nasaun barak iha mundu uza liu maka militar para atu ukun iha nasaun ida no atu resolve disputa sira nebe iha.
Kay Rala Xanan Gusmao rasik iha nia intervensaun agradese ba dispunibilidade husi partido politiku sira nian hodi introdus kona ba situasaun naruk ne’ebe Timor Leste infrenta mai to’o manan soberania tasi ho Australia.
Komandante Eim Xefe Das Falintil haktuir ba lider partido politiku sira kona ba buat hotu nebe Australia halo ba Timor Leste komesa iha pasadu ba husi rekursu naturais no mos asaun husi Militar Indonesia nian militar hasoru funu maluk.
Eis Presidente Republika no Primeiro Ministro deside tau ba kotuk pasadu no konsentra ba oin hare ba futuru povu no nasaun.
Reprezentante husi partido politiku sira ne’e mak hanesan, Sukehiro Hasegawa, Former United Nations Special Representative to Timor-Leste and Chairman of Japan Commission on Global Governance,
Tatsuo Fukuda, Chairperson, General Council of the Liberal Democratic Party of Japan
Tetsuro Fukuyama, Secretary-General of the Constitutional Democratic Party of Japan
Muneo Suzuki, Senior member of Nippon Ishin Japan Innovation Party, Madame Hiromi Takase, Member of Komeito, Yuichiro Tamaki, President of the Democratic Party for the People, Madame Mizuho Fukushima, Chairperson of the Social Democratic Party ( of Japan). (*/rio)
Komentariu