Xanana Aprosima, Universidade Waseda Japaun Prontu Simu Estudante Nasaun Membru g7+

Smnewstl.com 26-11-2021 (JAPAUN)-Pesoa Eminente ba Organizasaun Nasaun Membru g7+, Kay Rala Xanana Gusmão ofisilamente susesu atrai Universidade Waseda Japaun nia laran nune’e reafirma protidaun hodi simu estudante nasaun membru g7+ 21 ba hala’o sira nia estudu mestradu no dotoramentu iha área oin-oin.

CAPTION: Pesoa Eminente ba Organizasaun Nasaun Membru g7+, Kay Rala Xanana Gusmão Xanana Gusmão hala’o enkontru ho Vice Prezidente Waseda University, Masahiko Gemma,Ph.D ho Administrative Director International Affairs Division, Hidetaka Yamada akompaña hosi Embaixador Japaun ba Timor-Leste, Ilidio Ximenes da Costa no ekipa tekniku g7+. Imajen/Embaixada Japaun

Pedidu loby universidade antiga Japaun susesu durante enkontru armonia entre Xanana Gusmão ho Vice Prezidente Waseda University, Masahiko Gemma,Ph.D ho Administrative Director International Affairs Division, Hidetaka Yamada akompaña hosi Embaixador Japaun ba Timor-Leste, Ilidio Ximenes da Costa no ekipa tekniku g7+.

Vice Prezidente Waseda University, Masahiko Gemma,Ph.D deklara sira nia parte sente onderadu tebes atu simu estudante nasaun membru g7+ nu’udar pasu pozitivu hodi hodi promove kualidade edukasaun no fahe matenek hosi dosente universidade nian ba estudante sira.

“Waseda University prontu atu simu estudante nasaun membru g7+ nu’udar pasu pozitivu ida atu promove kualidade edukasaun hosi universidade ne’e nian ba ema hotu- hotu,” informa Masahiko Gemma iha universidade Waseda Japaun.

Xanana mós hato’o agradese hodi esklarese mós defikulidade ne’ebé nasaun membru g7+ sira hasoru iha área edukasaun presiza hetan apoia hosi univeridade sira iha Japaun no nasaun seluk tan ne’ebé iha rekursu no biblioteka komplete hodi fasilita rekursu ida ho kualidade.

Xanana hatutan, nia parte sei transmite mensajen osan mean no pozitivu hosi Universidade Weseda nian ba nasaun membru g7+ iha enkontru boot ne’ebé sei hala’o iha Portugál.

“Lori nasaun membru g7+ sira hotu, ha’u hato’o apresiasaun boot, ba imi nia domin no imi nia laran di’ak sira atu simu ha’u nia pedidu hodi simu estudante nasaun membru g7+ mai hala’o sira nia estudu iha ne’e. Ida ne’e hanesan informasaun di’ak ida ha’u sei trasmite ba ekontru pais g7+ iha Portugál,” dehan Xanana.

Eis Komandante Em Xefe das FALINTIL, Xanana dehan molok estabese kooperasaun ne’e, kada nasaun membru g7+ sei difine sira nia kritériu atu halo selesaun ba estudante nasaun membru sira ne’ebé iha vontade no matenek bele aplay vaga estudu iha universidade Waseda Japaun.

Molok estabelese kooperasaun ne’e, ekipa tekniku nasaun membru g7+ sira hala’o vizita ba universidade Japaun hodi deskute formatu no tekniku kooperasaun servisu hodi prepara kreitériu sira molok estabelese Memorandum of Undertending (MoU) iha tinan oin.

Entretantu, durante vizita ba Japaun, Xanana hato’o mós palestra públiku estudante Universidade Waseda ho tema “Papale Nasaun g7+ Hodi Harii Pás” ne’ebé hetan partisipasaun masimu hosi estudante sira ne’ebé halo estudu Kooperaasaun Internasionál Harii Pás (International Cooperation and Peacebulding). (*/rio)