Veteranus Railakan Kontenti Simu Uma Husi Governu

Smnewstl.com 11-09-2021 (Dili) – Veteranus Filipe Belo Remos senti kontentu bainhira simu uma husi governu liu husi Ministériu Assuntu Kombatentes Libertasaun Nasionál (MAKLN).

Sekretáriu Estadu Veteranus, Gil da Costa Monteiro ‘Oan Soru’, ho Vise Xefe Estadu Maiór F-FDTL, Majór Jenerál Falur Rate Laek mak halo inagurasaun bá uma ne’ebe lokaliza iha aldeia Wenunuk suku Wenunuk postu administrativu Metinaru Munisípiu Dili.

Sekretáriu Estadu Assuntu Veteranus, Gil da Costa Monteiro ‘Oan Soru’ hateten, niagurasaun bá uma veteranus Railakan nian ne’e bá dala tolu ona, husi atibuisaun osan rihun $ 40 iha faze dahuluk bá benefisiáriu na’in 100-resin no bazeia bá konstitiuisaun RDTL, estatutu kombatentes libertasaun no mós dekretu governnu.

“Orsamentu ne’ebé aprova hodi atribui iha primeira faze bá konstrusaun ka abitasaun bá ema 100-resin ne’e bazeia bá konstituisaun artigu 11, estatutu kombatente artigu 23 no dekretu governu n0.16/2020 dia 30 outubru, señór Railakan ninia uma konstrusaun ne’e tama iha alínea B, alínea A dehan, bá kombatente ne’ebé seidauk iha uma, nia rasik halo ninia uma ne’e,” hateten Oan Soru.

Governante ne’e esplika, iha alínea B husi estatutu kombatentes libertasaun hateten, bá kombatentes sira ne’ebé iha ona uma ne’ebé ho kondisaun ladún di’ak, maka estadu iha dever atu atu kompletu 100%.

Maibé Oan Soru afirma, entre benefisiáriu na’in 100-resin iha primeira faze ne’ebé mak konstrui ona uma ho osan estadu nian, sira laiha ona direitu atu reklama tan bá estadu kona-ba uma.

Tanba estadu tenki haree bá povu tomak iha nasaun ne’, ne’eduni presiza, veteranus sira-nia kontribuisaun liu husi artigu 34 bá povu no nasaun hahú husi faze ida ohin bá oin.

“Osan ne’e mai atu halo uma, no entre sira 100-resin ne’ebé mak primeira faze benefisia ona bá apoiu ida-ne’e, nia laiha ona direitu atu husu bá estadu katak, nia uma laiha ne’e iha akórdu ne’ebé asina ihane’ebá, sira-ne’ebé foti osan ne’e, karik iha territóriu tomak ne’e, ida-ne’ebé mak asesu ona ne’e lee didi’ak akórdu ne’e, tanba akórdu ne’e na’in mak asina mak ida-ne’e duni,” tenik nia.

Veteranus Filipe Belo Ramos ‘Railakan’ dehan, uma refere halo durante tinan 6 nia laran ho nia osan rasik hamutuk milliaun $ 1, iinklui mós osan rihun $ 40 ne’ebé governu fó.

“Orsamentu husi estadu fó mai ne’e mak $ 40 mill, mais husi fali ha’u-nia orsamentu hamutuk $ 1 milliaun. Konstrusaun bá uma ne’e ho durasaun tempu kuaze tinan 6, osan ne’e lei hakerek dehan, labele rai tenki gasta bá konstrusaun uma de’it, entaun orsamentu estadu ne’ebé mak simu ne’e gasta hotu kedas no oituan maka uja hodi ohin ita han hamutuk ne’e,” dehan Veteranus Railakan Sábdu ne’e

Uma refere ho voluntáriamente konstrui husi membru organizasaun PDHT na’in 100 resin, durante tinan 6 nia laran hahú iha tinan 2016 no remata iha dia 11 fulan Setembru tinan 2021.

“Ha’u-nia sentimentu hanesan ema ne’ebé mak grupu ajuda ne’e ha’u agradese, tanba durante tinan barak estadu mak ita labele tanba, ita selu badae osan la to’o, sira-nia ajudasauun iha tinan ne’e nia laran ne’e sira ajuda gratuitu, laiha tan ema ida seluk sentavus ida, material mak ha’u-nian,” agradese Railakan

Uma refere ho medidas 9×15, kuartu 6, kuartu 4 iha andar okos no rua ia andar leten, kompleta mós sala vizita rua sala jantar ida haris ida fatin idA dapur iha laran.

Partisipa iha inagurasaun uma refere, Vise Xefe Estadu Maiór Jenerál F-FDTLL, Majór Jenerál Falur Rate Laek, Deputadu bankada PLP, Cornélio Gama ‘L-7’, reprezentante husi Konsellu Kombatente Libertasaun Nasionál (KKLN) no hettan tann, no mós hetan bensaun husi padre pároku Metinau.(ant)