Veteranos Railos No Merak Ameasa Lori Maijor General Coliate Ba Tribunal ,Tanba Hasai Liafuan Milisia Hasoru Povu Metagou

Smnewstl.com -Reprejentante Veteranos Suku Metagou Postu Administrativo Bazartete Munisipiu Likisa,Vicente da Cruz “Railos” no Cezar Dos Santos Da silva “Merak”,hamutuk ho Veteranos no Komunidade sira Lamenta Ho deklarasaun husi Vice xefi Estado Falintil Forsa Defeza Timor Leste (F-FDTL), Maior General Calisto dos santos ‘’Coliati’’ ne’ebe antes ne’e hatete,Povu Suku Metagou Maioria Milisia no Hansip,wainhira iha Prossesu Verifikasaun Lista Veteranos 2009.

Iha loron 27 fulan fevereiro 2025,vice xefi estado deklara halo imputasaun falso,alende ne’e deklara mos CCLN munsipiu likisa pratika Sistema familiarismo no suborno hodi falsifika lista veteranos nian.

Liu husi Konferensia Imprensa Ne’ebé hala’o iha Segunda Loron 3 Fulan Marsu ne’e, iha Sede Suku Metagou Veteranos no Komunidade sira Afirma,sei Hato’o keixa ba Tribunal Ligadu Linguagem husi Vice Xefi Estadu Major General Calisto dos santos “Coliate”, hasoru Veteranos no Povu Metagou.
‘’ami komunidade tomak husi suku metagou lamenta tebes ho deklarasaun husi vice xefi estado nian,ne’ebe hatete komunidade metagou Milisia ka Hamsip,no pratika nepotismo no suborno iha prosesu verifikasaun lista veteranos,Ami sei lori kazu ba Tribunal ho lian Bahasa karik dehan “Menghina “,Tanba ita Metagou oan iha Dignidade no onra personalidade ,Tanba ne’e mak ami la simu,nune’e ami sei lori ba Tribunal.”Dehan Reprejentante Veteranus Cesar Dos Santos “Merak”.
Alende ne’e Komunidade Metaagou konsidera deklarasaun husi vice xefi estado ne’e la ho fundamento no konsidera hanesan halo diskriminasaun Ba povu metagou.

Veteranos Cezar Dos Santos afirma,Deklarasaun ne’ebe maior general coliate hato’o ne’e lalos ka falso, ka falsifika imformasaun hodi Defama Komunidade no Veteranus iha Suku Metagou.
Nia kompara iha tempo funu povu suku metagou la rende bainhira inimigo sira tama iha rai kutulau,no povu metagou kontinua firme.

“Hau sai testemunha no iha tempo ne’eba hau halai sai ho hau nia maun,no familia tomak ho povu metagou ,tanba ne’e mak deklarasaun ne’ebe senior coliate dehan ne’e lalos ka bosok.”nia deklara.
Merak Sublina ,maske Vice Cefi Estafo insulta povu metagou no mete atu labele simu sira nia direito,tanba ne’e ami hakarak atu kontra deklarasaun ida ne’ebe nia rasik hatete ,tuir nia arogansia hasoru povu metagou.

“Nudar metagou oan ami la simu deklarasaun ida ne’e,se nia koalia deit ema pesoal ida ka rua ne’e la problema maibe nia temi em geral komunidade metagou milisia no hamsip, Hau sente nia ema General ida mak hasai Liafuan ida ne’e ba ami,Parese nia iha Evidensia balun,Ami fiar katak nia bele lori ida ne’e ba tribunal hodi akuza ami,Tanba buat los ne’e so tribunal mak bele julga laos General.”nia Afirma.
Kona ba Defamasaun Liafuan Milisia Veteranos Merak, Rekoinese Iha Momentu ne’eba hala’i Duni ba Atambua, maibe laos hanesan Milisia,maibe ba nudar Refujiado hamutuk ho Padre sira husi Seminario maior balide ,hodi tula iha kareta halai ba Atambua.
“Hau ba Atambua semana rua deit depois Milisia Besi Merah buka tuir ami ,entaun hau halai tiha ba Kupang,hafoin iha Loron 25 setembro mak ami fila fali mai Timor hamutuk ho Padre sira ho aviaun Hercules ne’ebe Organiza husi Padre Edu.”Konta Merak.

Iha Sorin Seluk Veterano Vicente Da Cruz “Railos”,Husu autoridade kompetente ,ministerio defeza no prokuradoria geral da republika (PGR),atu investiga no fo sansaun ba vice estado Calisto dos santos Coliate, kona ba nia deklarasaun ne’ebe hasai ba komunidade sira.
“Husu ba estado RDTL, atu fo onra ba komunidade metagou,hodi Evita defamasaun ne’ebe laiha fundamento,ba komunidade sira ne’ebe simu defamasaun husi Lider maximo FDTL, Hare ba deklarasaun husi senior coliate nian ne’ebe halo reputasaun ba ami komunidade metagou, ne’ebe hatete Suku metagou suku ida ne’ebe nakonu ho milisia,tanba ne’e deklarasun ne’e bele impakto ba joven sira noo komunidade sira.”Veterano Railos Afirma.
Vicente Da Cruz hatete, Akusaun ne’e lalos no La iha fundamento,maibe kria prejuizu no grave ,integrudade no onra ba komunidade metagou ne’ebe sente afetado ba deklarasaun ida ne’e.

“halo retrasaun publika ne’ebe konsidera hanesan jeneraliza ami komunidade metagou,hanesan milisia no hamsip,no tuir lolos liafuan ne’e la merese ona atu hasai ba komunidade sira,pior liu tan hanesan ema militar ida mak hasai liafuan ida ne’e ba sosiedade sira.”nia dehan.

Ho akuzasaun ida ne’e komunidade suku metagou husu Vice Xefi Estadu Major General Calisto dos santos Coliate, atu responsabiliza ba linguajem ne’ebe koalia ba publiko,

Railos Hatutan, Kona ba Rekomendasaun husi vice Xefi Estadu ne’ebé husu Estado Atu Kria Komisaun Independenteatu halo Verifikasaun ba lista sira, Veteranos Rai Los ,Afirma Sira prontu Atu Kontribui no sei la halai ses husi Prossesu.

Nia dehan Kontribuisaun Povu Metagou nian, barak ka Oituan mós ba Luta Libertasaun Nasional Timor leste nian.
“Prosessu luta hahu iha 1976 ,mai to’o iha Suku Metagou to’o funu ne’e Remata ,sira barak la fila ,Tanba ne’e mak hakarak hatete deit katak ami Metagou nia kontribuisaun ba luta la barak hanesan Senior maibe General,maibe ami nia mós oituan.”Nia Kompara.

Deklarasaun husi Vice Xefi Estadu nian ne’ebe hatete ,Mosu Sistema Familiarismo no Pratika Nepotismo iha Prossesu Verikasaun Dokumentus iha Munisípiu Likisa, Veteranos Merak Afirma Karik Vice Estado iha Evidensia bele lori ba aprejenta iha Tribunal laos hato’o estetimento ne’ebe lalos iha Publiku.

(*/Smnews)
Jornalista :Javelino da silva