Uniaun Europeia Kongratula Primeiru Ministru Kay Rala Xanana Gusmão

Smnewstl.com Dili,03 JuLy 2023 -Primeiru Ministru, Kay Rala Xanana Gusmão, simu kongratulasaun husi Prezidente Komisaun Uniaun Europeia, Ursula non der Leyen.
Ursula der Leyen fiar katak, líder rezisténsia nee sei susessu iha nia mandatu durante tinan lima, hodi lori progressu no dezenvolvimentu, tanba iha esperiénsia naruk husi luta ba libertasaun nasionál no nu’udar Prezidente Repúblika no mos Primeiru Ministru.
Tuir nia, Uniaun Europeia no Timor-Leste hamutuk iha defeza ba demokrasia, direitus umanus, direitu internasionál no multilateralizmu.

Bruxelas mos deklara ninia apoiu ba adezaun Timor-Leste ba ASEAN, Akordu Parseria Ekonomika entre Uniaun Europeia no Estadu Pasifiku balun, no Organizasaun Mundiál Komersiu, hodi apoia kreximentu ekonómiku no integrasaun rejional.
Relasaun ho seitor ekonómika, Prezidente Uniaun Europeia promete apoia diversifikasaun ekonómika no kriasaun kondisaun moris ne’ebé di’ak liu ba foin-sa’e sira iha Timor-Leste no promete hakbiit kooperasaun ba assuntu mudansa klimatika no transformasaun dijital.Reportajen (Smnews)