TL no Governo Provinsia Hunan Xina Estabelese Akordo Koeprasaun Lima

Smnewstl.com – Governu Timor-Leste no Governu Repúblika Provínsia Huhan -Xina no Governu Timor-Leste sestabelese ona akordu kooperasaun iha setór prioridade lima.

Primeiru-Ministru, Kay Rala Xanana Gusmão informa asuntu ne’e, hafoin enkontro ho Governador Provínsia Hunan Xina, Mao Weiming hodi deskute formatu kooperasaun ne’ebé uluk estabelese ona entre rai rua iha tinan 2024 no tinan 2017.

Governu Provínsia Hunan Xina hakarak fortifika ekonomia Timor-Leste liu hosi hasa’e produsaun setór Agrkultura, Peskas, Pekuaria, Veteranaria no Hortikultura.

“Uluk ha’u ba tina Hunan-Xina iha 2014 no 2017 maka asina tiha akordu ida entre Human no Manatutu iha setór agrikultura no ohin mai ami ko’alia ba kontinuasaun programa ne’e,” informa PM Xanana ba jornalista iha Palasiu Governu, Dili.

PM Xanana konsidera programa hirak ne’e importante ba tinan liman governasaun hodi apoia direita povu agrikultura hasa’e dezenvolvimentu produsaun agrikultura iha Timor-Leste.

Iha fatin hanesan, Governador Provínsia Hunan-China, Mao Weiming agradese bele introdus direita program ba PM Xanana membru governu no povu Manatutu sira hodi kria kooperasaun ne’ebé di’ak liutan iha setór agrikultura nian.

“Ami agradese tebes bele mai introdus direita programa ne’ebé ami sei estabelese entre Hunan no Governu Timor-Leste,” nia informa.

Governador Provínsia Hunan-China, Mao Weiming hamutuk ho Ministru Administrasaun Estatál, Tomás do Rosário Cabral rasik hala’o ona vizita servisu ba Munisípiu Manatutu hodi lansa ona programa kooperasaun ne’e.

Enkontru PM Xanana ho Governador Governador Provínsia Hunan-China, Mao Weiming akompaña hosi Ministru Koordenador Ekonomia no Ministru Turizmu no Ambiente, Fransisco Kalbudia Lay, Ministru Administrasaun Estatál, Tomás do Rosário Cabral, Ministru Agrikultura no Peskas (MAP), Marcos da Cruz. (Smnews)