Smnewstl.com—Ministru Administrasaun Estatál Tomás do Rosario Cabral,Hala’o Visita ba Embaixada Repúblika Demokrátika Timor Leste Iha Kapital Nasaun Nova Zelandia,hodi hala’o Sorumutu ho Senhora Embaixadora Timor Leste ba Nova Zelandia,Idelta Maria Rodrigues Iha Embaixada ne’ebe Mak Lokaliza Iha Kapital Nasaun Nova Zelandia, hafoin to’o Iha Sidade Wellington,Kontinua ho reuniaun breafing no sirkula ajenda no programa ne’ebe husi parte Embaixada prepara ona, sobre ajenda sira ne’ebe mak sei realiza Iha Nasaun Nova Zelandia durante Loron 30 Jullu – 1 Agostu 2025.
Entretanto ajenda prinsipal ne’ebe mak sei realiza husi visita Ofissial husi Ministru Administrasaun Estatál Iha Nasaun Nova Zelandia mak sei Iha asinatura Memorandum Of Understanding (Mou) husi Sidade amiga ka Friendship City Munisípiu Covalima (Timor-Leste) no Sidade Manawatu (Nova Zelandia) ne’ebe mak sei foka liu Iha Programa bolsa Estudu, Interkambiu Kultural, Agrikultura, troka esperiensia Administrasaun lokal entre munisípiu Manawatu ho Covalima, Prezensa husi Ministru Administrasaun Estatál Iha eventu ida nee, haktuir base legal iha faze desentralizasaun institusional neebe mak nia kompetensia ba poder Polítika sei asume husi Ministeriu Administrasaun Estatál.
akordu kooperasaun entre Sidade amiga ida nee bele realiza tamba haree ba istoria Pasadu n’eebe akontese Iha Tinan 25 Liu ba, liu husi Prezensa Militar Nova Zelandia iha Munisípiu Covalima, Hanesan Forsas ba Misaun Paz Hafoin Eleisaun ba Referendum 30 Agostu 1999 no mos Militar Nova Zelandia n’eebe mak balu hakotu Peregrinasaun iha Munisípiu Covalima, tamba haree ba istória Passadu mak Autoridade husi Sidade Manawatu, hakarak tebes atu estabelese akordu Sidade amiga ho munisípiu Covalima atu bele hametin liu tan lasu amizade entre Autoridade no komunidade husi Munisípiu rua.
Reuniaun ne’ebe mak realiza iha Embaixada, lidera Direita husi Ministru Administrasaun Estatál Tomás do Rosario Cabral,Embaixadora Timor Leste ba Nova Zelandia, no partisipa husi Presidente Autoridade Munisípiu Covalima, Senhor Miguel Armanda Cardoso, Diretora Geral simplifikasaun modernizasaun administrasaun Lokal, Senhora Maria Goretti Marques Belo, xefi Gabinete Benigno Humberto da Cruz, sekretariu embaixadora Timor Leste ba Nova Zelandia no mos Diplomata sira ne’ebe haknaar an iha Embaixada Timor Leste iha Nova Zelandia.
Komentariu