‘Somotxo’ Simu Xanana Gusmão Iha PN, Diskuti Assuntu FM ho Terrestre

Smnewstl.com 21-01-2022 (Dili) — Komisaun B Parlamentu Nasionál (PN) konvida Eis Xefe Negosiador Prinsipál Bá Delimitasaun Fronteira Marítima, Kay Rala Xanana Gusmão hodi halo audénsia hodi ko’alia kona-ba assuntu fronteira Marítima no fronteira terrestre Timor-Leste nian.

Sesta-feira ne’e, Kay Rala Xanana Gusmão to’o iha edifísiu PN iha tuku 10 dader, iha ne’ebé akompaña husi Eis Vise Ministru Negósiu Estrajeiru no Kooperasaun (MNEK), Roberto Sarmento Soares.

Hafoin to’o iha resintu PN, Xanana Gusmão hakat liu bá bankada CNRT iha PN, molok hakat bá sala audiénsia GMPTL atu hala’o enkontru.

Hafoin hakat bá sala GMPTL, iha ne’ebé simu direta husi Prezidente Komisaun B PN, José Agostinho Sequeira ‘Somotxo’.

Hafoin to’o sala GMPTL, deputadu Somotxo simu Xanana Gusmão tuir protokoku saúde nian bá prevensaun Covid-19, nune’e Xanana dehan, uza máskara, tanba Covid-19.

Hafoin simu, Somotxo akompaña Xanana Gusmão hakat tama bá iha sala audiénsia GMPTL nian hodi hahu hala’o enkontru.(ant)