Xanana Gusmao Hamulak Husu Matebean Rai Lulik Tau Matan Timor Leste Ultrapasa Situasaun Atual

SMNEWSTL Media .Loron 20 Fulan Maio 2021, hanesan loron importe ba Povu Timor Leste hodi komemora nia Aniversario Independensia ba dala 19.

Ba komemorasaun tinan ne’e maske infrenta hela situasaun defisil liliu ameasa Kovid-19, maibe hare ba sofrementu ne’ebe povu infrenta halerik ba aihan, Xanana Gusmao deside hodi atende pedido husi komunidade Aldeia Aidak Behare no Namalai, Suco Camea, Posto Administrativo Cristo Rei Municipio Dili.

Iha vizita hodi kontinua apoio aihan ba faluk no vulneravel sira, Xanana Gusmao husu ba komunidade sira atu la lakon esperansa nunee nafatin hasae orasaun no husu ba matebean no rai lulik hodi bele ultrapasa situasaun nebe povu infrenta.

Enkuanto ba povu sira rasik sente kontenti tamba iha loron importante nee bele hetan vizita husi Kay Xanana Gusmao hodi apoio netik buat ruma ba sira hodi augbenta dadauk.

Komunidade sira husu ba ukun nain sira atu lolo liman hamutuk, tau ba kontuk divergensia hodi resolve problema nebe sira infrenta.