Ministra Elia Simu Ministra Estado Reino Unido ba Indo Pasifiku

Smnewstimo.com Ministériu Saúde, liuhosi Ministra Saúde, Élia dos Reis Amaral hamutuk ho Kuadrus Ezekutivus MdS, simu Ministra Estadu Reinu Unidu bá Indo-Pasífiku (MERUIP) Sra. – ho delegasaun iha Palácio das Cinzas, Caicoli, Dili.

Iha vizita ne’e aleinde hala’o diskusaun no aprezentasaun iha biban hanesan hala’o mós lansamentu ba “Community based nutrition intervention to prevent and treat wasting among children under five years” (Sigla Inglés) “Intervensaun nutrisaun komunitária atu prevene no halo tratamentu ba labarik idade menus hosi tinan 5 ne’ebé sofre krekas.”

MS iha biban ne’e hatete “agradese ba vizita hosi MERUIP ho ninia delegasaun ne’ebé mai vizita TL liuliu iha MdS, hodi halo diskusaun kle’an kona-ba situasaun nutrisaun no mós mánutrisaun iha TL no asuntu sira seluk.

Agradese mós ba apoiu fundu ba programa nutrisaun no mánutrisaun hosi Governu Reinu Unidu (RU) atraves hosi UNCEF-TL, ne’ebé sei utiliza ba grupu suporta inan no seluk-seluk tán.”

“Hanesan Ministra dahuluk hosi RU mai vizita TL, ha’u sente agradese tebes no intersante ko’alia kona-ba seitór saúde no asuntu sira seluk ne’ebé Governu RU iha futuru bele ajuda.

Ha’u hatene progresu signafikante partikularmente ba saúde iha TL konsege redus mortalidade, hasa’e prestasaun servisu saúde no trenamentu ba médikus no profesionál saúde sira.

Ha’u hatene katak nutrisaun ba labarik kontinua hanesan dezafiu ba Governu TL no Governu RU iha komitmentu boot atu suporta saúde globál no seguransa saúde. Governu RU mós sei apoiu prioridade saúde sira iha TL.”

“Ami hatene katak intervensaun nutrisaun bazeia ba komunidade iha vantazen ne’ebé boot hasa’e feto sira-nia koñesimentu kona-ba oan sira ba moris saudável.

Fundu hosi RU sei permite atu apoiu ba grupu suporta inan sira iha TL no Governu RU sente kontente bele apoiu ba hirak ne’e hotu,” tenik Ministra Estadu Anne-Marie Trevelyan.

Partisipa iha serimónia ne’e Repjentante Unicef-TL Sr. Bilal Aurang Zeb Durrani, Kórpus diplomátikus no Embaixadór TL bá Reinu Unidu Sr. João Paulo Rangel, Kuadrus Ezekutivus MdS no seluk-seluk tan.(smnews)