Sekretariu Estadu Domingos Lopes Lemos Paritisipa iha Loron Saun Paulo II iha Aileu

Smnewstl. com – Sekretáriu Estadu Ensinu Sekundáriu Jerál no Ensinu Sekúndária Tékniku Vokasionál Domingos Lopes Lemos partisipa iha Misa komemorasun loron São João Paulo II ba dala- 34 Hanesan Mahein Ministériu Edukasaun nian iha eskola Ensinu Báziku Sentrál (EBC), Aileu kinta-feira ne’e.

Selebrante misa Pe. João Felisberto hateten, imi mak masin no imi mak ronan mundu nian ida-ne’e ko’alia iha kontestu edukasaun nian ne’e sentidu bo’ot tebe-tebes, profesór sira naroman leno dalan nune’e oan sira hakat tuir.

“Buat ne’ebé mak ohin ita rona iha evanjellu Amu Papa ko’alia iha Tasi Tolu liafuan ne’ebé maka ita kaer kedas mak hateten imi mak masin no imi mak roman mundu nian, Roman ne’ebé la tau iha leten aas no ema hotu-hotu bele haree hanesan Jesus dehan hahalok di’ak”, dehan Pe. João.

Hafoin partisipa iha misa, Sekretáriu Estadu halo lansamentu ba fatuk dahuluk gruta EBC das Flores, akompaña husi reprezentante administradór Munisípiu Aileu, Diretór servisu Munisípiu Edukasaun, Superintendente, Profesór/a estudante EBC, no bensa husi Amu selebrante Pe. João Felisberto.(smnews)