Rosantina dos Santos Mate, Diskumfia Oho Husi Nia Kaben

Smnewstl.com-Rosantina dos Santos, Membru Polisia Nasional Timor-Leste (PNTL) ho diviza primeira sarjentu la konsege salva nia vida, maske konsege transporta ba to’o Hospital Nacional Guido Valdares Dili.

Rosantina diskunfia oho hosi nia kaben ho inisial AS mais ou menus tuku 12:00 kalan, iha aldeia Anin fuik, suku Madohi, postu administrativu Dom Aleixo, munisipiu Dili.

Informasaun ne’ebe SMNews hetan konfirma katak, Tersa kalan maizamenus tuku 11 ho balun suspeitu nebe nudar kaben ba bolu matebian iha vizinu nia uma hodi dehan buka tuir sira nian oan mane nebe seida’uk tama uma.

Hafoin to’o iha uma mosu diskusaun oituan entre suspeitu ho matebian nune’e ho emosaun diskumfia akontese situasaun nebe la espera ne’e.

Tuir infornasaun, suspeitu lori katana taa uluk matebean iha parte kotuk laran hafoin lori tan tudik sona iha parte kalilin hodi halo monu ba rai no rezulta ran sai barak.

Familia transporta kedan vitima ba iha ospital, maibe la konsege salva tanba sofre kanek makas iha parte kalilin.

Hafoin sona tiha vitima, suspeitu halai hosi nian rezidensia no parte polisia rekoila ona evidensia hanesan tudik, katana ni dada ona police line iha fatin akontesimentu hodi submete ba investigasaun.

Matebian dadaun ne’e, nia isin mate sei rai iha mortuariu Ospital Nasional Guido Valedares hodi submete ba autoposia.

Enkuanto to’o informasaun ne’e fo sai, parte Policia seidauk aprezenta pozisaun.

Matebena ho suspeitu iha deit oan nain ida, no sira hosi postu administrativu Venilale munisipiu Baucau. (Rio)