Reprezentante Banku Mundiál Foun Aprezenta Programa Prioridade Bá PM Taur

Smnewstl.com (Dili) — Reprezentante Nasionál Banku Nasionál foun iha Timor-Leste, Bernard Harbone, Tersa-feira (17/08)21) aprezenta aan bá Primeiru-Ministru (PM), Taur Matan Ruak, molok hala’o misaun iha Timór.

Iha aprezentasaun ne’e, reprezentante banku mundiál ne’e mós aprezenta bá Xefe Governu, kona-ba programa sira-ne’ebé sei hala’o iha Timor-Leste.

Reprezentante Nasionál Banku Mundiál iha Timor-Leste, Bernard Harbone hateten, programa prinsipál ne’ebé sei hala’o iha Timor-Leste maka luta hasoru pandemia Covid-19, no mós planu rekoperasaun ekonómika.

“Embaixadór tama par koñese Primeiru-Ministru no halo aprezentasaun hanesan reprezentante foun husi banku mundiál bá Timor-Leste, Bernard halo aprezentasaun ida husi diversus programas ne’ebé banku mundiál halo iha Timor-Leste, Bernard halo aprezentasaun husi diversus programas ké banku mundiál aprezenta, mais ida husi programa prinsipál mak kona-ba luta hasoru Covid-19,” dehan Bernard Harbone, hafoin remata hasoru malu ho PM Taur Tersa (17/08/21) iha rezidénsia Farol, Dili.

Reprezentante banku mundiál ne’e apresia ho Timor-Leste ninia atinjimentu sira iha ámbitu luta hasoru Covid-19, tanba aselera prosesu vasinasaun bá populasaun sira.

“Señór Bernard mensiona supreza, tanba atinji rezultadu di’ak atu luta kontra krizi pandemia Covid-19, Bernard satisfeitu, tanba Timor-Leste investe makas halo vasinasaun populasaun Timor-Leste, tanba vasina konsidera instrumentu fundamentál atu kombate covid-19, banku mundiál haruka $ 5 milloens de dólares para kombate pandemia iha rai laran,” louva nia.

Durante ne’e, banku mundiál mós ajuda governu Timor-Leste hodi investe ona iha área importante sira hanesan, edukasaun, saúde no mós turízmu hodi diversifika ekonomia, tanba tuir projesaun, tinan 10 oin mai, fundu petrolíferu Timor-Leste nian sei menus.

“Banku mundiál iha projetu balun iha área edukasaun, saúde, infraestrutura, pur-ezemplu atu kombate krize pandemia, pontu seluk mak banku mundiál foka iha área turízmu, diversifikasaun ekonómika, tanba iha preukupasaun ne’ebé tinan 10 oin mai fundu petróleu menus, entaun tenki iha projetu balun para hadi’a ekonomia atu diversifika projetu iha rai laran,” subliña nia.

Nia akresenta, banku mundiál mós investe iha área bee no saneamentu, no banku mundiál mós partisipa iha programa ADB atu investe bá bee no saneamentu iha Dili no Baucau.

Maibé Bernard Harbone mós preukupa ho dezastre naturais ne’ebé akontese iha loron 4 fulan-abríl foin lalais ne’e, maibé banku mundiál apoiu iha área bee no saneamentu nian hodi ajuda fó solusaun bá populasaun sira-ne’ebé hasoru.(ant)