Raí Taka Total Estrada Fo-Hei Erluli, Município Manufahi, Movimento Dili-Same no Same Díli Parado Total

Smnewstl.com – 09-07-2023-Maske dadaun ne’e konsentra hela ba diskusaun programa hodi aprezenta ba Parlamento Nacional, maibe Governasaun Kay Rala Xanana Gusmão foku mos oinsa solusiona problema ne’ebe mak komunidade li-liu iha Município hasoru hanesan inudasaun no seluk tan.

Ligado ho rai monu taka Estrada hanesan iha Município Manufahi, Ainaro, Bobonaro no Covalima, Kay Rala Xanana Gusmão orienta ona Ministério Obras Público liderado Samuel Marçal atu koloka ekipamentos Escavator nune’e bele normaliza.

Iha Estrada Lekibau-Ulun, Leusati, Fo-Hei Erluli aliende ekipamentos husi IGE, apoio mos husi kompanha Star King esforsu ho masimu halao hela normalizasaun maske seidauk masimu.

Dadaun ne’e, transporte Publiku li-liu kareta to’o deit iha Leusati. Enquanto motorizada mak bele kontinua maibe ho apoio husi komunidade sira.Reportagem  (smnews)